НА СТАРТОТ НА СЕЗОНАТА НА ОДМОРИ: Јанев се сретна со началникот на грчката полиција - во фокус зајакнување на соработката меѓу полициите
Објавено во: Македонија 04 Јуни, 2025 12:24
Начините за зајакнување на заштитата на заедничките граници преку размена на информации и усвојување на современи методи за надзор, соработката меѓу полициите на двете земји, како и зајакнување на каналите за комуникација, биле во фокусот на средбата во Атина на началникот на грчката полиција Димитриос Малиос со директорот на Бирото за јавна безбедност Александар Јанев, јави дописничката на МИА од Атина.
Како што соопштија од грчката полиција, на средбата на маргините на 52-та Европска регионална конференција на Интерпол Малиос и Јанев акцентот го ставиле и на важноста од ефикасна соработка меѓу двете страни, а била спомената и потребата од дополнително зајакнување на меѓународната полициска соработка, „што претставува одлучувачки фактор во справувањето со организираниот криминал“.
- Беше истакнато дека консолидацијата на стабилни канали за комуникација и зајакнувањето на меѓусебната доверба меѓу двете земји претставуваат основни столбови на модерна и ефикасна меѓународна полициска стратегија. Во оваа насока, началникот на грчката полиција доби официјална покана да ја посети Северна Македонија, соопштија од грчката полиција.
Директорот на БЈБ преку социјалните мрежи вчера информираше дека на маргините на конференцијата во Атина, одржал низа конструктивни средби, меѓу кои и со генералниот секретар Валдеси Уркиза и делегации од Јапонија, Германија, Литванија, Турција, Швајцарија и Луксембург.
Со Уркиза разговарале за стратешките и оперативни цели, имплементацијата на современи дигитални алатки во полициските системи, како и за отворена и брза комуникација помеѓу службите за спроведување на законите, а особено го потенцирале придонесот на македонските полицајци и експерти во тековните и идните активности на Интерпол.
- Фокусот на средбите со останатите делегации беше зајакнување на меѓународната соработка преку споделување искуства и знаења, со цел поедноставување, подобрување и модернизација на полициската работа, процеси во кои дигитализација на системот ќе придонесе за побрзи и поквалитетни резултати и во истрагите и во целокупното полициско работење, напиша Јанев на Фејсбук.
Фото:МИАМожеби ќе ве интересира
СПАСОВСКИ: Македонија не смее да стане земја што ќе спроведува азилски постапки за други држави, а притоа да ѝ остануваат мигранти што нема каде да ги врати
„ДЕЛОВНА ТАЈНА Е ДЕКА НЕ' ТРУЈАТ“: Арсовска тврди дека загадувачите добиле право да ги кријат доказите под мотото „деловна тајна“
УАПСЕН ЕКС ДРЖАВНИОТ ПРАВОБРАНИТЕЛ ФЕХМИ СТАФА: Осомничен е за поткуп од десетици илјади евра
Најголемиот шлепер во Македонија го вози жена и тоа токму оваа: „Најтешко е да си далеку од дома и од блиските“ - Цеце Мирчевска за „Женски магазин“
НЕ Е ЛЕСНО ДА СЕ РАБОТИ ДАЛЕКУ ОД ДОМА: Познатиот готвач Настески со потресно сведоштво „Поголема болка од ова нема!“
„ОВК НЕ БЕШЕ КРИМИНАЛНА ОРГАНИЗАЦИЈА, СЕ БОРЕШЕ ЗА ЕДНАКВОСТ НА АЛБАНЦИТЕ“: Протест за поддршка на осудените водачи на УЧК
ДЕТАЛИ ЗА ПАДНАТИОТ АВИОН ВО МАВРОВСКО ЕЗЕРО: Техничките податоци откриваат дека станува збор за вистински авијациски „олдтајмер“
