НА ПОЛНОЌ НОВИ ЦЕНИ: Поскапуваат и бензинот и дизелот
Објавено во: Економија 22 Август, 2016
Почнувајќи од полноќ нафтените деривати ќе се точат по зголемени цени.
Според одлуката што денеска ја донесе Регулаторната комисија за енергетика поскапување има и кај бензинот и кај дизелот од два денари.
Тоа значи дека од утре на бензинските пумпи ЕУРОСУПЕР БС-95 ќе се точи за 61,5 денари за литар, ЕУРОСУПЕР БС-98 за 63,5 денари за литар а ЕУРОДИЗЕЛ-от за 48 денари за литар.
36,5 денари за еден литар ќе изнесува пак цената на екстра лесното масло за домаќинство.
Цените кои ги корегираше регулаторното тело се однесуваат за следните две недели.