На „Мош“ ќе биде врачено решението за затворање: Инспекторите велат сам си ставил клуч на врата

Добивај вести на Viber

На екслузивниот бар „Мош“ утре треба да му биде доставено решението за затворање. Нема да работи во наредните 10 дена, потврди за Фактор, директорот на Државниот пазарен инспекторат, Стојко Пауновски.

-Во текот на утрешниот ден треба да му го врачиме решението, но инспекторите кои денеска беа на терен низ Скопје, велат дека е затворен уште денеска. Тоа значи дека најверојатно сам се затворил и пред да го доставиме решението, зошто според законот може тоа да го направи, вели Пауновски.

Во текот на викендот, Пазарната инспекција имаше голема акција во повеќе градови, а во Скопје дел од најексклузивните локали меѓу кои и Интермецо во Капиштец, и Гнездо во центарот на градот, добија кривични пријави за загрозување на јавното здравје, како и прекршочни со што беа казнети со по 2.000. Во сите овие локали имаше забави со преголем број луѓе, а во Мош имаше настап на српскиот пејач Владо Георгиев. Со сето ова беа прекршени сите протоколиПо бурниот викенд Владата донесе одлука за забрана на мини-концерти и диџеи во кафулињата, баровите и сите угостителски објекти, а денеска, како што изјави Пауновски, се очекува Владата да ги прифати законските измени кои же овозможат сите инспекторати да имаат многи поголеми ингеренции.

-Откако ова ќе стапи на сила ќе можеме веднаш на лице место ако некој ги прекршува протоколите веднаш да го затвориме, значи полицијата го празни локалот, а ние како Пазарна инспекција ги ставаме лентите и запечатуваме, вели Пауновски за Фактор.