На есен пензионерите ќе земаат за 1% повисоки пензии
Објавено во: Економија 14 Август, 2017
За околу 1% ќе бидат зголемени пензиите оваа есен.
Владата на Зоран Заев нема да ја продолжи политиката на ВМРО-ДПМНЕ, за линеарно зголемување на пензиите од шестотини денари. Ќе прави усогласување со порастот на трошоците за живот и просечната плата во државата, како што е предвидено со Законот за пензиско осигурување, објави ТВ 24.
Ваквата математика значи дека просечната пензија ќе биде зголемена за само сто и триесет денари. Најниските пензии за осумдесет и пет денари, а највисоки за околу петстотини денари. Од Министерството за труд велат дека зголемувањето ќе се исплати во септември или октомври, откако статистика да ја објави просечната плата за јуни.
Во првата половина од 2017 година пензиите се зголемија за 0,82%. Иако првично со буџетот за 2017 година беше предвидено зголемување за 5%, со ребалансот парите за повисоки пензии се скратени.