Муслиманите го слават Рамазан Бајрам
Објавено во: Македонија 24 Мај, 2020 07:40
Муслиманските верници денеска го слават Рамазан Бајрам.
Реис-ул-улема Сулејман ефенди Реџепи, поглавар на Исламската верска заедница (ИВЗ) го честитaше празникот.
„Светиот Месец Рамазан завршува и сите верници му се радуваат на празникот Фитр Бајрам кој што е круна на нашиот пост, на нашите ибадети, како и на нашите стремежи што по длабоко и по силно да ја демонстрираме нашата верба кон нашиот Создател, Семоќниот Алах, Абсолутниот Владетел на Световите. Ние, почитувани верници, излегуваме од еден Рамазан кој што годинава беше малку по различен, но само по формата, неговата основа и покрај пандемијата која што ни наметна многу рестрикции, беше непроменета како и во петнаесетте изминати векови на Исламот. Всушност, убеден сум дека Рамазанот што завршува не зајакна уште повеќе, опасноста што тлееше наоколу влијаеше повеќе да се наслониме на нашиот Бог, да бидеме по солидарни, да се присетиме со сето наше битие дека нашиот живот, среќата и иднината се Божја одредба. Над атмосферата преполна со дилеми и стравови што ги создаде Covid 19, надвладеа нашата љубов и нашата верба кон Алах. Величејќи го името Божје и чувствувајќи го задоволството на мирот и спокојот што тој ги всади во нашите души, ние го возобновивме нашето убедување зајакнувајќи ги нашите доблести и размислувајќи по длабоко околу нашите можни маани“, порача реисот.
Претседателот на државата, Стево Пендаровски им упати честитка на сите граѓани од муслиманската вероисповест по повод големиот празник Рамазан Бајрам.
„На крајот на светиот месец Рамазан, по еден месец пост, посакувам сите ваши молитви да бидат слушнати и кај сите верници да преовладаат солидарноста, разбирањето и помагањето на оние на кои им е потребна помош. Овој празник нека нè потсети дека само со заеднички заложби и меѓусебна почит ќе можеме да ги одржиме живи вредностите што нè обединуваат и ни обезбедуваат меѓучовечко разбирање и поубава иднина“, вели Пендаровски.
Сепак, оваа година празникот ќе помине во карантин поради коронавирусот.Движењето е забрането од 11 часот денес па се до 5 часот наутро во вторникот.
Карантинот ќе трае 42 часа.
Утре е неработен ден за сите граѓани.
Можеби ќе ве интересира
СПАСОВСКИ: Македонија не смее да стане земја што ќе спроведува азилски постапки за други држави, а притоа да ѝ остануваат мигранти што нема каде да ги врати
„ДЕЛОВНА ТАЈНА Е ДЕКА НЕ' ТРУЈАТ“: Арсовска тврди дека загадувачите добиле право да ги кријат доказите под мотото „деловна тајна“
УАПСЕН ЕКС ДРЖАВНИОТ ПРАВОБРАНИТЕЛ ФЕХМИ СТАФА: Осомничен е за поткуп од десетици илјади евра
Најголемиот шлепер во Македонија го вози жена и тоа токму оваа: „Најтешко е да си далеку од дома и од блиските“ - Цеце Мирчевска за „Женски магазин“
НЕ Е ЛЕСНО ДА СЕ РАБОТИ ДАЛЕКУ ОД ДОМА: Познатиот готвач Настески со потресно сведоштво „Поголема болка од ова нема!“
„ОВК НЕ БЕШЕ КРИМИНАЛНА ОРГАНИЗАЦИЈА, СЕ БОРЕШЕ ЗА ЕДНАКВОСТ НА АЛБАНЦИТЕ“: Протест за поддршка на осудените водачи на УЧК
ДЕТАЛИ ЗА ПАДНАТИОТ АВИОН ВО МАВРОВСКО ЕЗЕРО: Техничките податоци откриваат дека станува збор за вистински авијациски „олдтајмер“
