Добивај вести на Viber
Антикорупциската комисија молчи за случајот национален гасовод, односно за делницата во Клечовце, а за која во јавноста се отворија серија дилеми, односно дали овој проект се прави во законска постапка, дали фирмите треба да се бираат на тендери или зошто не се бираат на тендер?
Фактор пред пет дена упати прашања за отворените дилеми околку изгрдбата на гасоводната делница во Клечовце, која според досегашните сознанија, а во отсуство на транспарентност на институциите ги отвора прашањата за тоа дали овој проект се гради во законска постапка? Прашањата на Фактор, беа адресирани до Антикорупциската комисија , а се бараа одговори дали ќе го испита случајот, дали гасоводот се гради со тендер или без тендер, дали овој проект смее и може да се гради без тендерски постапки.? Но, не само што нема одговор на писмените прашањата, туку откако беа испратени на службената електронска пошта, надлежните за односи со јавност, повеќе не одговараат на нашите повици.
Поранешната претседателка на антикорупциската комисија, Слаѓана Тасева, вели дека иако конкретно не е запознаена во детали со случајот, сепак смета дека секогаш кога ќе има отворени прашања или сомнежи, без разлика дали доаѓаат од новинарите или од други извори, тогаш, антикорупционерите треба да се изјаснат „Но, во овој случај со гасоводот во Клечовце, каде 60 милиони долари се даваат како клириншки долг од страна на Русија, а проектот го води руска фирма, и уште 15 милиони долари, сепак ги дава Владата од централниот буџет, антикорупциска комисија е должна и треба да испита и одговори, дали за тие 15 милиони долари што владата ги дава директно од буџетот, не можело да се најде подобра понуда од онаа на руската и дали при тоа е запазен јавниот интерес на државата., вели Слаѓана Тасева, поранешен претседател на антикорупциската комисија.
Изградбата на гасоводот во Клечовце, беше помпезно најавена, од страна на Владата, на чело со
премиерот Никола Груевски и економските министри во владата
Миле Јанакиески и Зоран Ставрески.
Но, никој не сака да одоговори, кој и како договорил дека гасоводната делница во Клечовце долга 60 километри ќе чини 75 милиони долари, или по 1,2 милиони долари за километар. Никој од нив не одговори на прашањата на Фактор, во каква постапка и во кој официјален документ е тоа наведено колку ќе чини овој проект и врз основа на кои анализи е направена таквата финансиска пресметка.
Одговор на овие прашања одби да даде и Крсте Миладинов, директор на државната компанија Македонски енергетски ресурси задолжена за овој проект. Иако оваа државна компанија од страна на рускиот изведувач на проектот Стројтрансгас беше посочена како потписник на договорот за изградба на проектот.
Прашањето за финасиската конструкција го одбегнаа и руските изведувачи на делницата во Клечовце, фирма Стројтрансгас. Тие само посочија дека десетина македонски компании ќе бидат вклучени во овој проект по различни основи, и дека буџетот нема да биде надминат а проекто ќе биде заврешен во предвидениот рок.
Но, токму тоа отвори нови дилеми, зошто нема тендер за изборот на домашните компании, кој и како одлучил работата без тендер да ја добие руската Стројтрансгас, но и зошто ако веќе таа фирма е избрана за изведувач на работите за сумата што земјава ја добива како килириншки долг од Русија, не е направен тендер за останата сума што државата ја дава од буџетот, односно дополнителените 15 милиони долари.
Серија отворени прашања, го брануваат овој мега проект, а сите домашни институции се прогласуваат или за ненадлежни или одбиваат да ги одговорат прашањата.