Моди и Трамп најавија удвојување на трговската размена на 500 милијарди долари до 2030 година - Индија ќе купи повеќе нафта и гас

Добивај вести на Viber

Индија и Соединетите Држави ќе ја удвојат билатералната трговска размена на 500 милијарди долари до 2030 година, изјави индискиот премиер Нарендра Моди на заедничката прес-конференција со американскиот претседател Доналд Трамп.

Американскиот претседател Доналд Трамп објави дека САД и Индија постигнале договор според кој Индија ќе увезува повеќе американска нафта и гас за да го намали трговскиот дефицит меѓу двете земји.

Трамп ги даде коментарите по билатералната средба во Белата куќа со индискиот премиер Нарендра Моди.

САД ќе ја зголемат продажбата на воена опрема за Индија почнувајќи од 2025 година и на крајот ќе обезбедат борбени авиони Ф-35, рече Трамп.

Тој исто така рече дека Вашингтон и Њу Делхи ќе соработуваат за да се спротивстават на, како што рече, „заканата од радикалниот исламски тероризам“.

Говорејќи на крајот од средбата на двајцата лидери во Вашингтон, Моди исто така рече „нашите тимови ќе работат на склучување на многу експедитивен, заемно корисен трговски договор“.

President Trump often talks about MAGA.

In India, we are working towards a Viksit Bharat, which in American context translates into MIGA.

And together, the India-USA have a MEGA partnership for prosperity!@POTUS @realDonaldTrump pic.twitter.com/i7WzVrxKtv

— Narendra Modi (@narendramodi) February 14, 2025

Моди најави поголема соработка со САД во областа на воената индустрија, како и во развојот на полупроводници, квантната технологија и вештачката интелигенција, пренесува Њујорк Тајмс.

САД ќе ја зголемат својата воена продажба во Индија почнувајќи од оваа година и на крајот ќе му обезбедат борбени авиони Ф-35 на азискиот сојузник, рече Трамп на брифингот, во обид да се спротивстави на, како што рече, „заканата од радикалниот исламски тероризам“.

Неколку часа пред средбата со Моди, Трамп потпиша план за воведување реципрочни царини за странски земји, вклучително и Индија.

Соединетите држави едноставно би можеле да ги наметнат истите царини што ги наплаќа Индија, рече Трамп, додека трговскиот дефицит со Индија може да се реши со продажба на повеќе американска нафта и гас.