Мобилните оператори ќе и платат 1,1 милиони евра на ОТА
Објавено во: Економија 07 Февруари, 2020
Мобилните оператори за прв пат откако е формирана посредно ќе и платат на Оперативно-техничката агенција 1,1 милиони евра за нејзиното работење во текот на 2020, наместо тоа да го финансира целосно централниот државен буџет, како што беше првично предвидено, и да не се остави простор за судир на интереси.
Според Законот за оперативно-техничка агенција и Законот за следење на комуникации , од оваа година мобилните оператори треба делумно да ја финансираат работата на агенцијата која ги следи комуникациите под посебни истражни мерки како независно тело што произлезе од реформата на безбедносните служби.
Посреднички, според финансискиот план за 2020, Агенцијата за електронски комуникации, која се финансира од мобилните оператори, ги собрала овие пари минатата година по два основи и ќе и ги исплати на ОТА. Спорен е и процентот, бидејќи колку повеќе приходи собира АЕК од нив, толку повеќе пари ќе има и за безбедносната служба.
Станува збор за 50 отсто од вкупните реализирани приходи кои АЕК ги остварила за претходната календарска година од годишните надоместоци кои операторите ги плаќаат за надзор на пазарот и 10 отсто од вкупните реализирани приходи кои АЕК ги остварила за 2019 од надоместоците од имателите на одобренија за користење на радиофреквенции. Годишниот извештај покажува дека тоа се вкупно 66.950.000 денари. Од првиот основ се собрани 25.500.000 милиони, додека од вториот ги има 41.450.000 милиони. Слична вкупна сума од 63 милиони денари треба да се платат на ОТА според приходите од 2018-та.
Во текот на минатата година владините функционери тврдеа дека законските измени за делумно финансирање е привремено решение. Меѓународните експерти не го поддржуваат ваквиот начин на финансирање на едно независно тело од друг независен регулаторен орган..
„Ова е привремено решение бидејќи обврските што Агенцијата за електронски комуникации требала да ги исполнува сега ги презема ОТА и дел од средствата без значително оштетување на буџетот на Агенцијата ќе бидат префрлени кај ОТА. Мислам дека ова е привремено решение сè додека не најдеме одржливо решение за подобро функционирање на оваа агенција“, рече вицепремиерот за економски прашања Бујар Османи. Самото Собрание при законските измени се обиде да аргументира дека одземање пари од АЕК нема да влијае. негативно на неговата работа
„По формирањето на Оперативната-техничка агенција како регулаторно тело за сегментот на работа што беше во надлежност на Агенцијата, а сега во надлежност на ОТА, природно е и фер, финансиските средства кои се пресметани како средства за извршување на истите активности од буџетот на АЕК, автоматски да се префрлаат во буџетот на ОТА.“, гласеше во законската оправданост.
Александар Кузмановски
Можеби ќе ве интересира
ВО ГЕРМАНИЈА СЀ ПОВЕЌЕ СЕ ЧУВСТВУВААТ ПОСЛЕДИЦИТЕ ОД КРИЗАТА: Пристигна загрижувачка оценка
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
CGTN-GLOBAL SOUTH VOICES: „Прекумерен капацитет или страв од подемот на Кина?“
ПОРАЗИТЕЛНО: Приближно 70 отсто од фабриките во Русија се соочуваат со недостиг на работници
Бугарскиот „Флекс Кредит“ ќе врти кај должници и ќе бара наплата за компании
„Алкалоид“ добитник на „Патент на годината за 2023“ за иновативниот „Омепразол“ во течна форма
Трендафилов: Газдите пријавуваа исчезнување на Непалките зошто им го платија патот до тука
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
