Мобилната апликација на Некстсенс за следење на Ковид-19 имплеметирана во Унгарија
Објавено во: Мои пари 14 Мај, 2020
Како придонес на Некстсенс во борбата против глобалната закана од Ковид-19 денес во Унгарија е ставена во функција мобилната апликација VirusRadar, донација на унгарската држава за поддршка во борбата против коронавирусот.
VirusRadar е мобилна апликација за откривање на ширењето на COVID-19 базирана на технологијата на Некстсенс за следење на изложеноста на коронавирусот (Nextsense Contact Trancing Technology), имплементирана во македонската StopKorona! мобилна апликација. Изработена е согласно највисоките безбедносни стандарди и стандардите за заштита на приватноста на корисниците. Користи Bluetooth Low Energy протокол за детекција на анонимизирани, шифрирани контакти.
Некстсенс, како компанија со високо изразена свест за солидарност, помош и поддршка на заедницата својата технологија за следење на изложеноста на Ковид-19 ја стави на располагање на властите ширум светот, како донација.
Интересот на Унгарија за мобилната апликација се темели на проверената технологија и потврдените механизми за безбедност и заштита кои што ги користи Некстсенс, во комбинација со потребата во периодот на олабавување на мерките и зголемувањето на фреквенцијата на движење на граѓаните да се користи мобилна апликација која ќе им помогне на здравствените власти полесно да ги детектираат лицата кои биле изложени на вирусот. Брзината на идентификација на сите потенцијално изложени лица со лицата кои се позитивни на вирусот може да придонесе кон побрзо спречување на ланецот на ширење на вирусот, а со тоа и негово побрзо искоренување. Масовната употреба на апликацијата ќе им овозможи на епидемиолозите да имаат брзa и ефикаснa евиденцијата на потенцијално изложени лица, при што ќе можат да стапат во контакт и да им дадат насоки за заштита на нивното здравје и здравјето на нивните најблиски.
Апликацијата VirusRadar во Унгарија е имплементирана од страна на Министерството за иновации и технологија со поддршка на унгарска ИТ компанија „Бизтрибутор“ и е управувана од Владината агенција за развој на информатика.
Некстсенс со своите водечки решенија за дигитална трансформација и напредни алатки за безбедна работа со документи е присутна во Европа преку партнерска мрежа, а на унгарскиот пазар преку дистрибутерот за своите производи и услуги - Бизтрибутор.
Можеби ќе ве интересира
Одбројуваме уште 15 дена до Конференцијата за комерцијални недвижности
БИМИЛК во Битола го носи д-р Ранко Рајовиќ за да го одбележи Светскиот ден на семејството
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
