Мизо: Ризици постојат, ќе има зголемување, но тоа ќе биде далеку од онаа состојба во 2019 година
Објавено во: Економија 14 Мај, 2021
Генералниот менаџер на „Костал“, Виктор Мизо во интервју за Сител вели дека кризата во автомобилската индустрија започнала во јануари лани.
Ова посебно го почувствувале компаниите кои произведуваат елетроника и мехатроника во Европа.
„Ние ги почувствувавме сите овие проблеми кои овие наши добавувачи ги имаа на нивните производствени локации во Кина. Знаеме што се вклучи во Европа минатата година. Втората половина на март, потоа април и мај, речиси сите наши клиенти беа затворени и заради тоа драстично имаше намалување на обемот на работа на странските компании во Македонија“, вели тој.
Рече дека овој проблем ќе биде присутен до средината на идната година. Мизо рече дека ризици постојат, ќе има зголемување, но тоа ќе биде далеку од онаа состојба во 2019 година.