Министерството за култура ги стопира парите за фестивал, ќе пеел Аца Лукас
Објавено во: Македонија 17 Август, 2022
Министерството за култура ги стопираше буџетските средства наменети за Здружението за културни и уметнички дејности „Џој Фест“ од Крива Паланка, затоа што во програмата вметнале турбо-фолк пејач од Србија, односно како што претходно објавија медиумите - на репертоарот на 28 август бил предвиден настап на Аца Лукас.
„Џој фест“ е во рамките на манифестацијата „Кривопаланечко културно лето 2022″ која ја организираат Општина Крива Паланка, ЛУ Градски музеј и НУ Центар за култура, во соработка со повеќе локални здруженија од областа на културата и уметноста, а е финансирана од Општина Крива Паланка, Министерство за култура на Република Северна Македонија, како и останати поддржувачи
– Организаторите на фестивалот годинава добија 153.000 денари од Годишните конкурси за финансирање проекти од национален интерес по одделни области и активности од културата за 2022 година. Но, поради непочитување на критериумите и вметнување на турбо-фолк пејач во програмата, тие нема да ги добијат овие средства, велат од Министерството за култура.
Според конкурсот објавен во февруари годинава, се аплицира само со проекти кои промовираат култура, посебно на домашните уметници.