12 Август, 2020
0.0321

Милионите од Џонсон Мети изостанаа во државниот буџет на Македонија

Објавено во: Економија 03 Јуни, 2020

Џонсон Мети, најмоќниот странски инвеститор во Македонија, за 2018 платил речиси 40 милиони евра данок на добивка, пари кои биле добредојдени за сеопштата економија и јавното инвестирање во земјата, но за 2019 гигантот ни одблизу не успеал во истиот подвиг. 

Производитеот на катализатори и двигател на македонскиот извоз во 2018 за прв пат започна да го плаќа овој данок. Управата за јавни приходи, која не го именува експлицитно инвеститорот, потврдува дека ваквиот епилог е најголемата причина за големиот пад во наплатата на данокот на добивка.

„Една од причините за понизок износ на наплата на данокот на добивка е планираниот износ за 2019 година. Имено, во 2018 година, посебно може да се издвои даночен обврзник кој има статус на корисник на ТИРЗ според евиденцијата на УЈП, кој во текот на 2018 година има извршено уплата во износ од над 2,3 милијарди денари на данок на добивка. Овој износ не се очекуваше да се наплати и во 2019 година“, велат од УЈП.

Џонсон Мети во 2019 оствари приходи од дури 1,9 милијарди евра, што го прави убедливо прв во Македонија пред Кромберг и Шуберт со 248,3 милиони евра. Меѓутоа остварил профит од само 77 милиони евра, за што и не може да се каже дека бил надмоќен во однос на останатите најуспешни компании.

Во 2019 година, остварен е вкупен приход од данокот на добивка од 11,5 милијарди денари. Овој износ е понизок за 24,49 отсто во однос на планираниот од 15,3 милијарди денари. Во однос на една година претходно е помал за 3,2 милијарди денари и само нешто е поголем од наплатениот во 2017. Сликовито, се укажува на тоа дека во просек компаниите оствариле помали добивки споредено со профитите од 2018.

Структурата што ја објави УЈП покажува намалување на наплатениот износ на данокот на месечните аконтации кои се наплатени помалку за нешто повеќе од милијарда денари, односно за 11,83 отсто при нивно учество во вкупниот данок на добивка од 70,15 проценти. Данокот на даночни биланси е помал за 1,17 милијарди или за 32 отсто, од дивиденди данокот е помал за 32,810,558 денари, задржаниот данок платен за странски правни лица  е во минус од 947 милиони денари.

Пораст се бележи на данокот на каматата за 44,342,990 денари кој учествува со еден отсто во структурата, а зголемена е и наплатата на гдишниот данок на вкупен приход за 9,251,323 денари чие учество е исто така малку значително.

А.К.

Можеби ќе ве интересира

Поскапува нафтата на меѓународните пазари

Поскапува нафтата на меѓународните пазари

Димитриеска-Кочоска: Втор ТАТ, пропаѓањето на Еуростандард банка претставува уште еден голем неуспех на актуелната власт

Димитриеска-Кочоска: Втор ТАТ, пропаѓањето на Еуростандард банка претставува уште еден голем неуспех на актуелната власт

КОСТОВСКИ ЗА ФАКТОР: Ако планираа да не затворат, тоа требаше да го сторат пред една година, а не да дозаглавиме со уште 15 милиони евра

КОСТОВСКИ ЗА ФАКТОР: Ако планираа да не затворат, тоа требаше да го сторат пред една година, а не да дозаглавиме со уште 15 милиони евра

По 11 години една европска земја влегува во рецесија

По 11 години една европска земја влегува во рецесија

Младите Македонци многу доцна заминуваат од домот на родителите, потврди Евростат

Младите Македонци многу доцна заминуваат од домот на родителите, потврди Евростат

СОН НА СЕКОЈ ВТОР АВСТРИЕЦ: Сакаат работна недела од 30 часа

СОН НА СЕКОЈ ВТОР АВСТРИЕЦ: Сакаат работна недела од 30 часа

Што најчесто работат Балканците во Германија?

Што најчесто работат Балканците во Германија?

Уште еден протест против поскапувањето на струјата, Чаир повикува учесници и од другите населби во Скопје

Уште еден протест против поскапувањето на струјата, Чаир повикува учесници и од другите населби во Скопје

Генерали Инвестментс советува:Ликвидносната поддршка за обврзниците и акциите продолжува да го принудува растот на цените на берзата

Генерали Инвестментс советува:Ликвидносната поддршка за обврзниците и акциите продолжува да го принудува растот на цените на берзата