Мила Царовска: Вчера 14 деца биле позитивни, училиштата нема да ги кажуваме
Објавено во: Македонија 03 Септември, 2021
Министерката за образование и наука Мила Царовска денеска брифираше дека во текот на вчерашниот ден биле евидентирани 14 позитивни ученици на Ковид-19.
Таа додаде дека овие ученици не биле заболени во училиште, односно дека не биле затекнати како позитивни во текот на наставата и дека немало трансмисија.
- Тоа е морам да истакна 0,01 процент од вкупниот број на ученици во државата, затоа што во моментов со физичко присуство настава посетуваат повеќе од 233.000 ученици.
Затоа посакувам само да овој процент остане во периодот кој што ни следи заради останување на најдобриот пристап, а тоа е физичкото присуство со почитување на протоколите, рече министерката.
Таа додаде дека нема да бидат посочувани во јавноста училиштата каде што има позитивни ученици.
- Тоа е работа на училиштата, посочување со прст нема да донесе добро на никого. Тие што треба да знаат се само наставниците, родителите и самите ученици. Си имаат добиено решенија и се постапува согласно протоколите