Меркел одговори дали можела да ја спречи војната во Украина

Добивај вести на Viber

Не можев да влијаам на Путин, веќе немав сила, вели екс германската канцеларка Ангела Меркел за тоа дали можела да ја спречи војната во Украина. 

Taa изјави дека сакала да свика разговори меѓу Европа и рускиот претседател Владимир Путин годината пред воениот напад на Украина. Меркел изјави за „Шпигел“ дека таа и францускиот претседател Емануел Макрон планирале да организираат независен формат за разговорите на Путин со Европскиот совет лани. 

„Но, јас веќе немав сила да го туркам процесот, бидејќи сите знаеја: таа заминува наесен“, изјави Меркел. 

Таа се повлече од политиката по 16 години на власт во Германија, по изборите во септември 2021 година и откако во декември му ги предаде овластувањата на Олаф Шолц од Социјалдемократскиот сојуз. Меркел вели дека за Путин важна е само моќта. Поранешната германска канцеларка изјави дека „дојде време за нов пристап“ бидејќи нејзината влада не постигнала напредок, не само во Украина, туку и кога станува збор за конфликтите во Молдавија, Грузија, Сирија и Либија.

Инаку, многу аналитичари сметаат дека Меркел, но и екс американскиот претседател Доналд Трамп доколку беа на власт ќе ја спречеа војната. Медиумите пишуваа дека Меркел додека беше на власт спречила војна меѓу Турција и Грција. 

Делови од Украина се без струја. Поранешниот украински министер за економија Тимофиј Миланов на Твитер опиша како е да се живее во Киев без струја, греење и вода додека температурата е на нула.