Меркел и Макрон се состанаа во Тулуз, но дали е Македонија на агендата

Добивај вести на Viber

Во Тулуз се сретнаа шефовите на владите на Франција и Германија, а Франкфурте Алгемајне Цајтунг веќе објави наслов „Колку добро се разбираат Меркел и Макрон?“: 

Средбата на францускиот претседател Емануел Макрон и германската канцеларка Ангела Меркел е на југот од Франција во седиштето на „Ербас“, кој се смета за успешен европски проект, на еден ден пред клучниот самит на ЕУ.

Според германскиот весник, ќе се разговара за дигитализацијата, Брекзит, војна во Сирија, протекционизмот, иако германско-француските односи во моментот се изложени на значителни „надворешни шокови“.

„Во Франција преовладува впечатокот дека иницијативите на претседателот на Европската унија во Германија останаа неодговорени. Во Берлин, од друга страна, некој е вознемирен од подготвеноста за акција на Макрон“, пишува весникот.

Повеќето компании ги чуваат своите податоци кај американските провајдери како Амазон или Мајкрософт. Но, како што се повеќе и повеќе се поврзуваат податоците, имајќи ги предвид вештачката интелигенција и индустријата, Меркел и Макрон сè повеќе бараат овие податоци да бидат зачувани кај европските сервери.

Париз исто така планира во оваа насока европски регулаторен орган кој може да ги санкционира дигиталните компании. Ќе стане збор и за евтината работна сила и отпадот од Источна Европа. 

Макрон бара напредок во соработката со вооружување како што е проектот за германско-француски тенк, а исто така се очекува да се зборува и за проблемите со извозот на оружјето. 

По средбата, ќе се одржат билатерални разговори и седница на двете влади во Тулуз.