29 Март, 2020
0.0238

МЕКА ЗА СТРАНЦИ: Maла земја со високи плати ги мами Германците, но и Македонците

Објавено во: Економија 08 Јануари, 2020

Луксембург е земја во Европа која има најголем број на странски работници. Ова е дестинација каде се вработиле и дел македонски граѓани, но на печалба во Луксембург одат и Германци.

Дека Луксембург е лидер по бројот на странски работници, може да се забележи од податоците кои ги објави Евростат.  49,4 отсто од работниците во Луксембург се од други земји. Во услужниот сектор 48,1 отсто од вработените им се од други земји, а во индустријата повеќе од половина, односно 61,9 отсто.

Aко се погледнат податоците за минимални плати, во Луксембург во јули 2019 година таа изнесувала 2.000 евра, додека во 2009 година била нешто под 1.750 евра, објави Евростат.

„Над 100.000 луѓе што живеат во Франција и над 50.000 од Германија и Белгија доаѓаат да работат секој ден. Минималната плата е 2.150 евра бруто, ама од овој месец ке биде покачен индексот за околу 60 евра. За живот е добро, ама е потешко за поединци што се дојдени на печалба, затоа што е тешко да се најде стан поевтин од 1.000 евра. Знам две – три семејства од Македонија кои работат овде, а претпоставувам дека бројката на Македонци кои работат во Луксембург е околу 200“, вели прилепчанец кој веќе 6 години е во Луксембург.

Луксембург по висината на платите е пред Ирска, Холандија, Белгија и Германија и овој тренд трае со години.  Просечната плата во 2018 година изнесувала нешто повеќе од 4.300 евра.

„Ме прашувале луѓе за работа во Луксембург, но за таму не посредувам, туку претежно за Германија. Македонците сакаат да избегаат, и мислам дека 70 отсто да имаат шанса, би отишле каде било, Канада, Америка. Но, генерално ја бираат Европа затоа што е блиску. Што се однесува за Луксембург, таму во последните години заминуваат младите Германци. Не е тоа иселување масовно како кај нас, но сепак постои“, раскажува Борче Стојанов, посредник за работа во странство од Истокот.

Луксембург има само 600.000 жители, но со БДП по глава на жител од околу 110.000 долари, е најбогатата земја во Европската унија и една од најбогатите во светот.

До 60-тите години, основната економија на Луксембург било производството на челик. Но, последните децении биле направени големи чекори за структурата на економијата да се промени, така што денес Луксембург е еден од водечките финансиски центри во светот.

Сања Атанасовска

Можеби ќе ве интересира

Владата подготвува нов пакет економски мерки

Владата подготвува нов пакет економски мерки

Македонски телеком: Нема 5G мрежа во употреба

Македонски телеком: Нема 5G мрежа во употреба

МУКАЕТОВ: ГРАЃАНИТЕ ДА БИДАТ СПОКОЈНИ - лекови и дезинфициенси ќе има, државата што побргу да побара пари

МУКАЕТОВ: ГРАЃАНИТЕ ДА БИДАТ СПОКОЈНИ - лекови и дезинфициенси ќе има, државата што побргу да побара пари

МИКРО И МАЛИ ПРЕТПРИЈАТИЈА: Бараме платите, здравственото и пензиско осигурување да бидат на товар на државата

МИКРО И МАЛИ ПРЕТПРИЈАТИЈА: Бараме платите, здравственото и пензиско осигурување да бидат на товар на државата

ОГРОМНИ ШТЕТИ: Коронавирусот економски ќе загрози најмалку 25 милиони луѓе

ОГРОМНИ ШТЕТИ: Коронавирусот економски ќе загрози најмалку 25 милиони луѓе

ВАЖИ ЗА СЕКОЈА ФИРМА: Mоже да доставуваат фактури електронски

ВАЖИ ЗА СЕКОЈА ФИРМА: Mоже да доставуваат фактури електронски

ЗЕЛЕНИ КОРИДОРИ: Земјите од регионот и ЕУ договорија олеснување на трговијата на примарни производи

ЗЕЛЕНИ КОРИДОРИ: Земјите од регионот и ЕУ договорија олеснување на трговијата на примарни производи

РАБОТА ВО ФАБРИКИТЕ ЗА ВИКЕНД: Работниците ќе одат со посебни дозволи

РАБОТА ВО ФАБРИКИТЕ ЗА ВИКЕНД: Работниците ќе одат со посебни дозволи

Комерцијална банка го откажа собранието, ама мнозинството акционери веќе ги поддржале одлуките

Комерцијална банка го откажа собранието, ама мнозинството акционери веќе ги поддржале одлуките