МЕЧКА НАПАДНА И УБИ ШЕСТ ОВЦИ: стравични глетки од село Равен
Објавено во: Македонија 13 Јуни, 2024
Мечка нападнала и убила шест овци во селото Равен, Гостивар. Од Центарот за управување со кризи информираат дека до нив, на бројот за итни случаи - 112, синоќа регистрирана е пријава за напад од мечка врз овци во општина Гостивар.
- Добиена е пријава во 20.45 часот, за убиени и изедени овци во село Равен. Пријавителот информирал дека во вторникот, мечка му убила и изела шест овци. Трлото, каде што го чувал стадото, било на периферија на селото Равен. По пријавата во ЦУК, на терен излегле од полициска станица Гостивар - пишува во соопштението на ЦУК.
Како што додаваат, по утврдувањето на состојбата на терен, ќе се преземат следни чекори од надлежните министерства, институции, јавни претпријатија и од локалната самоуправа.
Фото и Видео: ЦУК