МАЛОЛЕТЕН УЧЕНИК СО НОЖ ПРОБОДЕ НАСТАВНИК ВО ОКО: Напад во шпанско училиште, детето со два ножа ги избодело сите што минувале

Добивај вести на Viber

14-Годишен ученик од Шпанија е уапсен откако избоде тројца професори и најмалку еден ученик во средно училиште во Херез де ла Фронтера на југот на земјата.

Полицијата соопшти дека неколку луѓе се ранети, но нема загинати, пренесе Ројтерс.

Шпанскиот весник „Ел Паис“ наведува дека момчето има само 14 години, и дека нападнало тројца учители и двајца ученици, кои сите се хоспитализирани со повреди од „различна тежина“. Според 20minutos.es, еден од наставниците бил прободен со нож во окото.

Мотивот за нападот се уште не е познат. Тинејџерот е приведен на лице место со оружје што го поседува и е во притвор до завршување на истрагата и ставање на располагање на судот за малолетници, соопшти „Ел Паис“.

- Напаѓачот од училишниот ранец во училницата извадил два големи ножа и ги нападнал учениците и наставниците велејќи им дека ќе ги убие - изјавила мајката на еден од учениците за ТВ каналот СУР.

#Ahora Así está la situación ahora en la puerta del IES Elena García Armada donde esta mañana ha ocurrido un suceso donde un menor ha apuñalado a profesores y alumnos. @OndaCero_es @MediodiaOC https://t.co/sxgzR5B5QI pic.twitter.com/q4XjO1cqPV

— Onda Cero Cádiz-Rota (@ondacerocadiz) September 28, 2023

„Почна да ги боде сите што минуваа“

Портпаролот на локалната полиција потврди дека напаѓачот имал два ножа.

По инцидентот што се случи во четвртокот наутро во институтот „Елена Гарсија Армада“ во Херез де ла Фронтера, училиштето беше евакуирано, а на местото беа присутни неколку возила на брза помош за да им помогнат на настраданите.

Енрике Галего, новинар од ТВ Херез, наведе - повикувајќи се на извори од училиштето - дека ученикот утринава влегол во класот, извадил голем нож од ранецот и почнал да ги „боде сите што минувале“.