Maкрон останува претседател на Франција, ја порази Ле Пен
Објавено во: Свет 24 Април, 2022
Французите го реизбраа Емануел Макрон за претседател.
Нов француски претседател е Емануел Макрон на кој Французите денеска му доверија нов петгодишен мандат освојувајќи 58 отсто од гласовите. Сепак тој е далеку од 66,10 отсто освоени гласови во 2017 година. Марин Ле Пен освои 42 отсто од гласовите, јави дописникот на МИА.
Емануел Макрон се очекува да им се обрати на своите приврзаници од пред Ајфеловата кула. Во изборниот штаб на Марин Ле Пен – Павилјонот д’Арменoвил во 16-от париски арондисман, непосредно пред објавувањето на резултатите се појавија шишиња со шампањ на кои пишуваше „Марин претседател 2022“, забележа новинарот на „Фигаро“.
Како и во 2017 година, 48,7 милиони Французи избираа меѓу Емануел Макрон и Марин Ле Пен.