Македонскиот јазик како инспирација за современото создавање и живеење
Објавено во: Мои пари 02 Октомври, 2023 14:04
Изложбата на визуелен приказ на македонски зборови „Јазична меморија“ на уметницата Сташа Божиновска беше отворена во КЦ Магаза во Битола.
Македонскиот јазик и писмо се инспирација за уметницата која размислува и делува во насока на создавање на меморија на истите преку дизајнирање на модни додатоци. Овој концепт започнува со дизајни инспирирани од зборовите ЗАЛЕЗ, БАКНЕЖ, ВЕДА, ЏАГОР, АБЕР, ПРЕОБРАЗБА и Ѕуница.
„Јазична меморија е споменар исполнет со македонски зборови кои ги користат нашите баби и дедовци, додека, ние, младите покажуваме колку сме „интересни и модерни“ со користењето на сленгови и странцизми. Време е да започнеме редовно да се потсетуваме на убавината на нашиот јазик и нека тоа време започне токму со Јазична меморија, споменарот кој ќе биде мост на кој ќе се пренеси богатството на нашиот јазик од нашите предци, до нас и идните генерации.
Јас сум дизајнер и создавам модни додатоци инспирирани од македонски зборови. Мојата цел е да ве инспирирам и Вас да ја разбудите вашата креативност и гордо да го користите нашиот јазик. - изјава од уметницата.
Концептот „Јазична меморија“ е прв чекор до реализирањето на посакуваната цел на уметницата, која освен вклучување на други зборови, подразбира и оживување на визуелните 3Д модели кои понатаму ќе бидат изработени во вистински накит.
Проектот Јзична меморија се реализира во рамките на манифестацијата Цртај на македонски јазик 2023, поддржана од Министерство за култура на РСМ.
Можеби ќе ве интересира
ТАВ Македонија го прослави 3 милионитиот патник во една година на Меѓународниот Аеродром Скопје
Македонија2025 со рекордни резултати во 2025: поддржани 2.573 лидери и таленти, 168 бизниси и 190 стипендисти
Дијалог меѓу традицијата и современоста во Скопје Cити Mол
СО ПОДДРШКА ОД ВИДЕОЛОТАРИЈА КАСИНОС АВСТРИЈА, ОПЕРСКАТА КЛАСИКА „СЕВИЛСКИОТ БЕРБЕР“ ВО МОБ
Како пензиските заштеди стануваат дел од иднината на целото семејство
Празничен промо депозит од ПроКредит Банка - Повеќе добивка за одличен старт на 2026
Louis Latour — Вечер на луксуз и бургундска елеганција во Salvatore
ЏАМБО пристигнува во Гевгелија: Нова голема инвестиција во локалната економија и реализација на ветената експанзија




