15 Август, 2020
0.0326

Македонскиот цар на металот тргува со лим за профит од 350.000 евра

Објавено во: Економија, Анализа 13 Февруари, 2020

Стотина друштва тргуваат на големо со метал и метални руди, а четири од нив оствариле профит еднаков или поголем од 100.000 евра. Три скопски друштва и едно од Тетово. Интересно е што најмалиот меѓу нив од аспект на приход е најуспешен зашто остварил најголема добивка во апсолутен износ, а воедно и како учество во приходот

Трговијата со метали и метални руди е специфичен бизнис со кој во Македонија се занимаваат стотина фирми. Навистина голема понуда и веројатно жестока конкуренција. Меѓутоа само четири од нив се издвојуваат по тоа што имале умешност и претприемачки вештини да остварат профит што изнесува или надминува 100.000 евра. Нивниот приход кумулативно достигнал 21 милиони евра во 2018 година покажуваат официјални податоци од завршните сметки на друштвата достапни во базата на Централниот регистар на Македонија.

Кои се тие?

Убедливо најголем на пазарот , во оваа конкуренција на фирми со профит од најмалку 100.000 евра, е тетовската компанија „Стил Железо“ сопственост на Енес Бакиу кој за 2018 година го носи епитетот крал на трговија на големо со метал и метални руди. Оваа фирма остварила приход од 13,8 милиони евра во 2018 година, а нејзината добивка изнесува 159.000 евра. Профитот е само 1,15 отсто од приходите и од тој сооднос се заклучува дека овој бизнис е многу работа за малку ќар. Оваа компанија е сопственик на тетовската фирма „РРОНИ СТЕЕЛ“ регистрирана за истата дејност која во истиот период од приход во износ од 600.000 евра остварила добивка од 28.600 евра.

Најголем конкурент на тетовската фирма од аспект на остварените приходи е сопственикот на Рудници „Саса“ – скопската компанија ЦМК Европа. Таа има најголеми приход во 2018 година година од сите компании регистрирани за дејноста трговија на големо со метали и метална руда, и тој надминува 14 милиони евра, но годината ја завршила со загуба од 770.000 евра.

Втора компанија која го задоволува зададениот критериум е скопското трговско друштво Фарекс сопственост на Ана Трифунова и на Мирослав Милевски. Оваа компанија во 2018 година остварила приход од 3,4 милиони евра и добивка од 150.000 евра што значи дека работела многу поуспешно од тетовската компанија „Стил Железо“.

Трета на листата е скопската фирма „Алумил“ која е специјализирана за трговија со алуминиум. Ова друштво е во сопственост на компанијата „Алумил индустрија за алуминиум“. Во 2018 година „Алумил“ остварил приход од 2,4 милиони евра и добивка од 135.000 евра. И тој параметар го прави компанија со поголем профит од двете со поголем приход кои беа наведени погоре.

Следи најмалиот, но најпрофитабилиот во групата најуспешни големотрговски компании за метал и метални руди. Станува збор за скопската фирма „Мај Комерц Леар“. Таа има најуспешен сооднос на остварени приходи и реализирана добивка во споредба со другите три компании кои имаат поголеми приходи. Во 2018 година „Мај Комерц Леар“ остварил приход од 1,3 милиони евра и неговата добивка изнесува 348.000 евра. Значи дека неговата добивка изнесува 27 отсто од остварениот приход и тоа е најдобар резултат. „Мај Комерц Леар“ во споредба со другите фирми на оваа листа е специјалист за тендери, а негов голем клиент во периодот од почеток на 2018 година до сега е најголемиот производител на струја ЕСМ поранешно ЕЛЕМ. Во таа година „Мај Комерц Леар“ добил договор од најголемата државна компанија за производство на струја на износ од 478.000 евра за набавка на челични лимови за потребите на РЕК Битола. 


Р.Ф.

Можеби ќе ве интересира

Германските работодавачи против владиното решение за ограничување на бројот на работници од Западен Балкан

Германските работодавачи против владиното решение за ограничување на бројот на работници од Западен Балкан

Димитар Апасиев: Против наплаќања на провизии од банките, како во Србија

Димитар Апасиев: Против наплаќања на провизии од банките, како во Србија

Бранимир Јовановиќ: Доколку знаела за Еуростандард, Нина Ангеловска не смеела да го повлекува депозитот

Бранимир Јовановиќ: Доколку знаела за Еуростандард, Нина Ангеловска не смеела да го повлекува депозитот

Денеска е последен ден за трошење на платежните картички, остануваат многу неподигнати

Денеска е последен ден за трошење на платежните картички, остануваат многу неподигнати

Како ќе се спаси германската економија?

Како ќе се спаси германската економија?

Македонија е најевтина земја во Европа - Британците би заштедиле ако се преселат овде

Македонија е најевтина земја во Европа - Британците би заштедиле ако се преселат овде

Костовски: Точно е дека како групација имаме долг од пет милиони евра кон Комерцијална банка - под хипотека се зградата, Поштенска банка и Палата Македонија

Костовски: Точно е дека како групација имаме долг од пет милиони евра кон Комерцијална банка - под хипотека се зградата, Поштенска банка и Палата Македонија

Сопственикот на банката обвинува: поранешниот директор Петковски го натера вујко му да формира фирма со пет илјади евра, а потоа му даде кредит од 1,2 милиони евра

Сопственикот на банката обвинува: поранешниот директор Петковски го натера вујко му да формира фирма со пет илјади евра, а потоа му даде кредит од 1,2 милиони евра

КОМПАНИЈА ФОРМИРАНА ВО ДУБАИ САКАЛА ДА ЈА КУПИ ЕУРОСТАНДАРД - Костовски ќе вложел и свои 2,5 милиони евра само да се спаси банката

КОМПАНИЈА ФОРМИРАНА ВО ДУБАИ САКАЛА ДА ЈА КУПИ ЕУРОСТАНДАРД - Костовски ќе вложел и свои 2,5 милиони евра само да се спаси банката