Македонски Телеком ја надгради 4Г мрежата со нова функционалност
Објавено во: Мои пари 09 Ноември, 2015
Македонски Телеком ја надгради 4Г мрежата со нова функционалност наречена Агрегација на носители (Carrier Aggregation) којашто припаѓа на новата генерација на LTE напредна мрежа (LTE Advanced). Надградбата првично е направена во потесното градско подрачје на Скопје и со овој чекор на корисниците им се овозможува поголема брзина на пренос на податоци која се движи до максимални 220 Mbit/s. Поголема брзина на пренос на податоци ќе имаат оние корисници коишто поседуваат најнова генерација на паметни телефони (категорија 6) кои ја поддржуваат новата функционалност. Моментално, Македонски Телеком нуди седум модели на вакви паметни телефони во својата продажна мрежа.
Македонски Телеком како технолошки лидер на пазарот, прв ја воведе 4 Г мрежата во Македонија. Како резултат на континуираните инвестиции во инфраструктура, во моментот со 4Г мрежа се покриени 45 отсто од територијата на Република Македонија и 70 отсто од населението. Дополнително, Македонски Телеком инвестираше во значително проширување на својата 3Г мрежа со цел обезбедување на широкопојасни податочни услуги на целата територија на Република Македонија. Па така, Македонски Телеком со 3Г мрежа покрива 93 отсто од територијата и 98 отсто од населението, со што компанијата е апсолутен лидер во обезбедување на мобилни широкопојасни податочни услуги.
Активностите за проширување на 3Г и 4Г мрежата продолжуваат понатаму со цел на граѓаните да им се овозможат најновите технологии, да им се подобри квалитетот на животот и да се обезбеди најдобро корисничко искуство со најдобрата мобилна мрежа, како еден од клучните фокуси на Македонски Телеком. Во таа насока, компанијата паралелно со ширење на 3Г и 4Г мрежата ширум државата, ќе продолжи и со надградбата на новата функционалност т.н Carrier Aggregation со цел на повеќе корисници да им овозможи пристап до поголеми брзини за пренос на податоци.
Можеби ќе ве интересира
Одбројуваме уште 15 дена до Конференцијата за комерцијални недвижности
БИМИЛК во Битола го носи д-р Ранко Рајовиќ за да го одбележи Светскиот ден на семејството
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
