Македонска златна лига! Кои се најпрофитабилните компании?

Добивај вести на Viber

Рударство, електро-енергетика, челичарници, телекомуникации, фармација, производство на автомобилски компоненти, производство на пијалоци, тровски ланец, специјалист за хостинг... Ова се дејностите во кои 17 компании лани во вонредните услови кои ги дефинира корона кризата успеале да создадат поголеми од 10 милиони евра ... Кои беа членови на златната лига?

Седумнаесет македонски компании лани оствариле профити кои се поголеми од десет милиони евра. Меѓу нив осум се целосно или доминантно извозно ориентирани компании, а другите девет друштва се целосно или доминантно ориентирани надомашниот пазар меѓу кои една фирма е државен монопол. На листата на најбогати компании за 2020 година има девет производители и шест даватели на услуги.

Во годината на короната најуспешни (според остварениот профит н.з.) беа „Бучим“ и „Саса“ двете најголеми рударски компании, две челичарници Либерти Скопје и ИГМ Трејд Кавадарци, македонската фармацевтска гордост Алкалоид, најголемата пиварница во земјава Пивара Скопје, единствената домашна цементарница и најголемата гринфилд инвестиција во Македонија на сите времиња Џонсон Мети која воедно е и убедливо најголема компанија од аспект на остварениот приход. Освен нив во групата најуспешни се и двата телекомуникациски оператори Македонски Телеком  и А1 Македонија кои бележат раст на добивките што укажува на тоа дека пазарот има потенцијал и длабочина. Во сегментот на електроенергетиката меѓу напрофитабилните има две компании. Една е најголемиот приватен производител на струја и топлинска енергија ТЕТО Скопје, а другата е холдингот што управува , меѓу другите енергетски дејности, и со најголемиот оператор за дистрибуција на електрична енергија – ЕВН Македонија.

На листата на најбогати друштва за 2020 година успеа да влезе и една дигитална компанија Супорт & Солушнс која работи обработка на податоци и хостинг, а пријатно изненадување е тоа што има компанија која покажа дека и од ланец супермаркети тоа е Веропулос.

Куриозитет е тоа што најпрофитабилно меѓу најдобитните е друштво со јавни овластувања (природен монопол) кое управува со државните патишта - Јавното претпријатие за државни патишта или Ј.П.Д.П. Добивките на ова јавно претпријатие во значајна мерка во последниве години „ги билдаат“ кредитните аранжмани за изградба на автопатиштата во земјава.

На листата се уште „Камени мост комуникации“ и „ЦМК Европа“ – првата е друштвото доминантен сопственик на Македонски Телеком, а второто е целосен сопственик на рудникот „Саса“.

foto freepik