Македонија со стабилен кредитен изглед
Објавено во: Економија 16 Септември, 2017
Македонија останува на ниво ББ минус кредитен рејтинг кој значи стабилен изглед, потврди Агенцијата Стандард енд Пурс.
Потврдата на стабилниот изглед ги одразува оценките на Стандард енд Пурс за балансирани ризици меѓу траекторијата на јавниот долг и политичката неизвесност од една страна, и поволните економски перспективи на земјата од друга страна.
Стандард енд Пурс во извештајот нотира дека политичката криза е надмината со формирањето на новата Влада и дека се очекува разумно ниво на континуитет на политиките, што би резултирало со подобрување на довербата и постепено интензивирање на економскиот раст.
Очекуваниот буџетски дефицит во 2017 година изнесува околу 3 проценти, односно се оценува дека тој е во линија со дефицитот предвиден во ребалансот.