Македонија со лошо здравство ќе претрпи поголема економска штета, следува голем пад на БДП

Добивај вести на Viber

Виенскиот институт за меѓународни економски студиисоопшти дека земјите во Централна, Источна и Југоисточна Европа се исправени пред нивната најлоша година од глобалната финансиска криза во 2007- 2008 година поради пандемијата на коронавирус.На Македонија и се предвидува пад на бруто домашниот производ од 3,4 на 1,7 отсто. Заклучокот е дека земјите со поквалитетен и напреден здравствен систем ќе претрпат помала економска штета.

Земјите со повисоко ниво на трговска интеракција со Кина или Италија (особено Албанија, Бугарија, Хрватска, Романија и Словенија) ќе бидат полошо погодени, истакна институтот. Земјите што се потпираат на туризмот, како Хрватска, Словенија, Албанија и Црна Гора, исто така, ќе бидат многу погодени.

„Капацитетот на здравствените системи за справување, исто така, веројатно ќе се разликува значително во целиот регион. Земјите-членки на ЕУ во регионот се генерално побогати, имаат подобри здравствени системи и имаат поголем капацитет да донесат експанзивна фискална и монетарна политика за да го неутрализираат падот“, смета институтот.

Повеќето земји во регионот ќе искусат барем техничка рецесија. Во најсериозното сценарио се претпоставува дека ширењето на вирусот може да се одржи до средината на 2020 година и дека е потребен силен и координиран одговор на политички мерки донесени од најголемите светски економии. Меѓутоа, доколку не се исполнат тие услови, економскиот исход ќе биде уште понегативен и долготраен, истакна институтот.

„Севкупно, очекуваме голем дел од изгубениот БДП да биде надоместен подоцна. Не можеме да исклучиме потежок и подолг шок на побарувачката и рецесија во делови на земјите од Југоисточна Европа, заклучи институтот.