28 Март, 2024
0.0251

МАКЕДОНИЈА ШТЕДИ, ИНСТИТУЦИИТЕ ЌЕ СЕ ГРЕАТ САМО ДО 20 СТЕПЕНИ, Министерот Бектеши најави сет мерки за намалување на потрошувачката на енергија

Објавено во: Економија 16 Август, 2022

Добивај вести на Viber

Сите јавни институции се должни да го исклучат декоративното осветлување. Да не се користи осветлување во период кога има доволно светло. Климатизерите не смеат да ладат под 27 степени, а просториите не смеаат да се греат на температура над 20 степени во ладните месеци. Ова се дел од мерките кои јавните институции ќе треба да ги применуваат за намалување на потрошувачката на енергија како што најави Министерот за економија Крешник Бектеши.

Тој потенцираше дека целта на мерките кои се најавуваат е намалување на потрошувачката на енергија за 15 проценти во споредба со истиот месец претходната година.

-  На денешната седница на Владата, се донесе сет мерки за намалување на потрошувачката на електрична енергија за безбедна зима за сите нас. Како што напоменав, прогнозите се дека ќе преживееме една од најтешките зими, не само ние, туку сите во Европа и светот. За непречено снабдување со енергија и нејзино ефикасно искористување, и за полесно справување со криата, подготвен е план и препораки за безбедно снабдување. Повеќе категориии, зависно дали се работи за домаќинства, компании или за јавни објекти под надлежност на јавни институции. За домаќинствата и компаниите има само препораки до кои ќе треба да се придржуваат – посочи Бектеши.

Министерот напомена дека целта е да се намали потрошувачката на електрична енргија од 15 проценти, што доколку не се исполни ќе има санкции за сите раководители на институции со посебна одлука на Владата.

-  Сите јавни институции се должни да го исклучат декоративното осветлување. Да не се користи осветлување во период кога има доволно светло. Климатизерите да не се местат пониско од 27 степени за ладење, не над 20 степени за греење. Се препорачува кратко луфтирање, исклучување на светилки кога не се користи просторијата, печатење само на неопходни листови. Замена на стари сијалици со нови поефикасни. Редовно да се менуваат филтрите на клима уредите. Инсталирање на колекторски систем и за загревање на вода, старите прозорци да се заменат со нови да се намали провевот. Да се инсталираат интелигентни решенија за енергетскат ефикасност – посичи Бектеши.

За реалиација на овие мерки, тој истакна дека ќе треба сите институции да делегираат лице кое ќе се грижи за спроведување на мерките, со цел да се намали потрошувачката за 15 проценти во споредба со истиот месец од претходната година. Ќе имаат задолжување да испорачуваат извештаи за исполнување на мерките.

Мерките ќе се применуваат од 1 септермври, до 31 март 2023 година.

Тој исто така посочи дека препораките до домаќинствата и до компаниите ќе ги објават на веб страната на министерството.

Во делот на јавни патишта, апелираше да се намали осветлувањето на минимумот, но тоа се мерки во вид на препораки. Министерот апелираше да се пренесат до сите општини со цел да се применат и да се намали потрошувачката на електрична енергија во земајва. 

П.О.

Можеби ќе ве интересира

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

Просечна плата во АЕК надминува 1.000 евра

Просечна плата во АЕК надминува 1.000 евра

НИНГБО – СТОТИЦИ ИЛЈАДИ КОНТЕЈНЕРИ, СТОТЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

НИНГБО – СТОТИЦИ ИЛЈАДИ КОНТЕЈНЕРИ, СТОТЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

САНКЦИОНИРАН Е ВО УКРАИНА: Руски милијардер го купи „Звечево“

САНКЦИОНИРАН Е ВО УКРАИНА: Руски милијардер го купи „Звечево“

ГЕРМАНИЈА: Koлкав економски раст очекува годинава?

ГЕРМАНИЈА: Koлкав економски раст очекува годинава?