Магла на десетина патни правци низ Македонија
Објавено во: Македонија 18 Јануари, 2020
Магла по котлините и ниска облачност ќе имаме денеска во Македонија.
„Намалена видливост поради појава на магла од 40 - 50м. има на патниот правец Скопје – Тетово – Гостивар и Тетово – Јажинце, од 30 - 50м. на патните правци Велес – Скопје и Скопје – Велес, од 50 - 100м. на патниот правец Демир Капија – Миравци, од 10 – 15м. на патниот правец Тетово – с. Гајре, од 70 – 80м. на патниот правец Кичево – М. Брод, од 50 – 60м. на патниот правец Штип – Неготино, од 50 – 100м. на патните правци Кочани – М. Каменица и Виница – Берово, од 100 – 150м. на патните правци Битола – Прилеп, Дебар – Струга и Ресен – Охрид и до 100м. на планинскиот превој Ѓавато“, информираат од АМСМ.
Утринската температура ќе биде од минус еден до минус седум степени, а дневната температура од еден до девет степени.
Во недела ќе биде значително облачно, а локално на повисоките места и планините ќе има услови за повремен снег. Од понеделник ќе имаме стабилно време со слаб до умерен северен ветер.