Љубчо Георгиевски на 30 години од основањето на ВМРО-ДПМНЕ:: Од антијугословенска, се претвори во нај југословенска

Добивај вести на Viber

Љубчо Георгиевски, поранешниот претседател на ВМРО-ДПМНЕ, денеска го честиташе 30-тиот роденден на најголемата опозициска партија во Македонија со коментар на Фејсбук дека поранешниот премиер Никола Груевски, кој како осуденик на двегодишна казна затвор пребега во Будимпешта, како што вели тој, ја претворил од антијугословенска во нај југословенска.

„Среќен роденден! Пред 30 години на денешен ден заедно со Борис Змејковски и сите оние кои беа во салата ја формирав ВМРО-ДПМНЕ. Беа веке формирани 17 партии сите со концепт за спасување на Југославија.Во основачкиот говор прв пат од Македонија кажав дека Југославија треба да се распадне и треба да имаме своја војска,пари,пасоши,фудбалска репрезентација. Концептот што го поставив тогаш беше радикално антијугословенски,борба за демократија и борба против фалсификатите на историјата. За жал подоцна ВМРО-Дпмне се претвори во нај југословенската, најнедемократската и најфалсификаторската партија во Македонија. Вториот претседател ја направи партија со киднапирана идеологија. Денес многу грагани самостојна Македонија ја доживуваат како нешто од секогаш дадено“, пишува Георгиевски во поголемиот дел од својот статус на Фејсбук.

Георгиевски во меѓувреме ја формираше ВМРО-НП, подоцна влезе во коалиција со СДСМ и често го критикува раководењето со ВМРО-ДПМНЕ.