ЛАГАРД: Ширењето на коронавирусот „ќе удри“ врз економскиот раст на еврозоната
Објавено во: Економија 07 Февруари, 2020
Промена во оптимистичниот тон за економскиот изглед на еврозоната.
Шефицата на Европската центална банка со коментар околу коронавирусот.
Кристин Лагард вели дека додека заканата од трговската војна меѓу Кина и САД полека се олабавува, коронавирусот е тој што предизвикува „нова доза на неизвесност“ за економскиот раст.
Ова таа го кажала на последниот состанок на ЕЦБ во јануари за монетарната политика.
Сепак таа потенцирала дека ЕЦБ сака да ги задржи каматните стапки на ниско ниво и да продолжи со купување активи на пазарот што значи ефикасен автоматски стабилизатор за поддршка на еврозоната.
Од друга страна, првиот човек на Федералните резерви на САД, Џер Пауел рекол дека внимателно ја следи епидемијата со новиот вирус кој посочил и дека е извесно оти краткорочните последици по производството во Кина ќе се одразат и на другите економии.