Курти не сака да формира Заедница на српски општини, туку сака признавање
Објавено во: Балкан 14 Септември, 2023 20:05
Нема договор меѓу Србија и Косово по средбата денеска во Брисел.
Високиот претставник на Европската унија за надворешни работи Жозеп Борел изјави дека косовскиот премиер Албин Курти денеска не сакал да го прифати компромисниот предлог на ЕУ, туку инсистирал на одредбата за признавање на Косово од Белград.
Борел рече дека српскиот претседател Александар Вучиќ го прифатил компромисниот предлог на ЕУ за патот кон нормализација на односите, додека косовскиот премиер не бил подготвен да продолжи напред и да започне кредибилен процес на формирање на Заедницата на Српските општини, но инсистирал на тоа „да се воспостави де факто“ признавање како прв чекор.
Вучиќ по средбата изјави дека таа завршила неуспешно затоа што приштинската страна не сакала да го прифати компромисниот предлог на ЕУ за патот на нормализацијата.
Тој нагласи и дека е јасно дека Курти избегнува да формира Заедница на српски општини и дека Србија не бега од обврските. Рече дека откако Курти е на власт, има зголемување на етнички инциденти и дека само во последните два месеци се забележани 50 отсто повеќе етнички инциденти отколку во најлошите времиња на кого било друг на власт во Приштина, објави српски Курир.
Косово повеќе од една деценија не сака да ја формира Заедницата на српски општини.foto Facebook/Albin Kurti
Можеби ќе ве интересира
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
