Крмов ќе ја плати штетата по инцидентот во Собранието

Добивај вести на Viber

Пратеникот од Левица, Борислав Крмов, во емисијата „Тешки муабети“ синоќа рече дека ќе ја плати штетата што ја направи во вчерашниот инцидент во Собранието.

Крмов гоп искрши микрофонот и мониторот на компјутерот на претседателот на Собранието додека се носеше новиот собраниски Деловник. Левица смета дека со новите зимени, опозицијата во Собранието нема да може да блокира закони со амандмани, односно да се служи со т.н. филибастеринг.

Конкретно, пратеникот на Левица, Борислав Крмов го нападна заменик претседателот на Собранието, Горан Мисовски. Од говорницата, откако се обиде да ги образложи амандманите на Деловникот, Крмов, видно изнервиран почна да ги фрла хартиите од аманадманите кон Мисовски. 

-Видов дека претседателот Џафери изјавил дека ќе ми ја пратат сметката. Слободно, тоа е најмалиот проблем, ќе ја платиме штетата, но штетата од процесот е неповратна, рече Крмов во емисијата.

Според него, Собранието со овој Деловник на еден начин се самоукина, затоа што според него, повеќе нема да постои опозиција која ќе може да временски неограничено да ги блокира лошите закони.

-Собранието сега е само еден обичен извршител на Владата и следната Влада. Веќе нема да има Собрание. Додека ова се случуваше кај нас, еве во Албанија сега го запалија Собранието, тоа е Собрание, да има и немили сцени, ќе го запалат, ќе се степаат. Курти фрлаше димни бомби – тоа е Собрание, таму треба да има судир на идеи. Сега Собранието сега ефективно е Влада, рече пратеникот.