Кривична пријава за одгледувач на канабис за медицински цели од Гевгелија
Објавено во: Македонија 29 Март, 2023
Едно физичко лице и фирма за одгледување канабис за медицински цели од Гевгелија добија кривична пријава од полицијата, затоа што не ги известиле комисиите за, како што вели мВР во билтенот, настанатите промени во одгледувањето.
„СВР Струмица поднесе кривична пријава против В.П.(43) од Р.Србија, со привремено престојувалиште во Гевгелија и правно лице од Гевгелија, поради постоење основано сомнение за сторени кривични дела казниви по член 95-в став 2 во врска со став 1 и член 95-в став 1 од Законот за опојни дроги и психотропни супстанци. Имено, пријавениот В.П. на 15.02.2023 не постапил согласно член 29-г од Законот за контрола на опојни дроги и психотропни супстанци, така што не ги евидентирал и пријавил до Министерството за здравство и Министерството за земјоделство, шумарство и водостопанство сите настанати промени и отстапувања во одгледувањето на канабисот, кои биле претходно планирани во елаборатот“, објави МВР.
Можеби ќе ве интересира
Декан Горан Марковски: Феномени како во Делчево ќе има се почесто
Мицкоски и Пандов открија биста на Драган Богдановски до седиштето на ВМРО-ДПМНЕ
Државен испитен центар: Матурантите препишувале откако ги добиле тестовите по англиски јазик
Сашко Јовев би сакал да биде министер за здравство
Автопатот пред влезот на Охрид ќе биде затворен во наредните 45 дена
