Косово ќе бара меѓународна помош за „Монструм“
Објавено во: Македонија 16 Септември, 2021
За екстрадиција на осудените во „Монструм“, Косово ќе бара меѓународна помош.
Премиерот на Косово, Албин Курти вели дека има предмети што не се разјаснети до крај.
„Министрите за правда на двете влади се во директен редовен контакт и тие соработуваат во врска со македонското барање за испорака на Африм Исмаиловиќ и Алил Демири, кои се обвинети во случајот „Монструм“, изјави денеска косовскиот премиер Албин Курти во Скопје.
На првата македонско-косовска меѓувладина седница се потпишани 11 договори, меморандуми и програми, кои опфаќаат и соработка во меѓугранични проекти преку ИПА програмата на ЕУ, соработка на полето на енергетиката, иновациите и технолошкиот развој, културата и туризмот.
Двајцата премиери Зоран Заев и Албин Курти уверуваат дека договорите кои биле потпишани на првата заедничка седница на двете влади, ќе бидат реализирани. Иако истакнуваат дека двете земји имаат исти интереси, нивните ставови во врска со иницијативата „Отворен Балкан“ се разликуваат.