КОРОНAВИРУСОТ СЕ ШИРИ: Италијанците дел смирени, а дел со страв во коски
Објавено во: Свет 25 Февруари, 2020
Во Италија забрзано се шири коронавирусот, но меѓу Италијанците има поделени мислења за тоа дали има шанси да се заразат или не.
Во многу маркети рафтовите останаа празни, откако граѓаните навалија да купуваат. Ваква беше сликата во Милано, но и во други градови. Во светот, коронавирусот се прошири во многу земји.
„Точно е дека има страв, сите се исплашени. Јас и моето семејство сме добри, но луѓето се плашат од коронавирусот. Во еден миг како сѐ да застана. Благодарение на Бога сме добро, но овде работите на владата ѝ излегоа од контрола“, вели Кристина Корцето, Италијанка која живее во Фиренца.
Дарио Скампители, од градот Милацо, раскажа дека тој не се плаши, иако мнозинството граѓани се загрижени за своето здравје.
„Јас лично не се плашам, затоа што знам дека не можам да избегам од судбината. Сите луѓе се плашат, сите мои пријатели исто се во паника, сите се претпазливи и се многу сомничави“, вели Скампители.
Во областа Ломбардија, имаше неколку жртви.
„Не се плашам, зошто би се плашела кога ситуацијата е под контрола“, вели Мариа Грациа Напа.
Шефот на државната служба за цивилна заштита Анџело Борели изјави дека 219 лица во Италија се заразени со Ковид-19.
Италија се справува со најголемата епидемија на коронавирус надвор од Азија.
Од цивилната заштита порачуваат дека е важно дека сите нови случаи се во т.н. црвена зона, односно дека болеста не се шири надвор од „досегашните граници“.Сања Атанасовска
Можеби ќе ве интересира
ЗА НАПАДОТ ВО МОСКВА: Руската полиција уапси уште еден Таџикистанец
ПОЧИНА БЕБЕТО КОЕ ЛЕКАРИТЕ ВО ГАЗА ГО ИЗВАДИЈА ОД УТРОБАТА НА УБИЕНАТА МАЈКА: По неколку дена се јавиле сериозни здравствени проблеми
ПИШУВАЛА АНТИВОЕНИ ГРАФИТИ: Руска тинејџерка е осудена на 3.5 години затвор
Ќе бидат потребни 14 години да се отстранат урнатините во Појасот Газа, вели официјален претставник на ОН
КИНА И САД ТРЕБА ДА БИДАТ ПАРТНЕРИ, НЕ РИВАЛИ: Кси Џинпинг го пречека Блинкен
„КРАЛОТ ЧАРЛС Е ВО МНОГУ ПОЛОША СОСТОЈБА ОТКОЛКУ ШТО СЕ ПРИКАЖУВА ВО ЈАВНОСТА“: Погребот активно се планира
Официјално: Тенковите „Абрамс“ тргнати од првата борбена линија
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
ЌЕ ГИ ОГРАНИЧАТ ОДНОСИТЕ СО ПУТИН: Европскиот парламент ги прогласи изборите во Русија за нелегитимни
