КОРОНАВИРУСОТ НЕ ГИ ПОШТЕДИ ЦЕНИТЕ: Ќе полните бензин и дизел рекордно поевтино
Објавено во: Економија 17 Март, 2020
Од денес бензинците и дизелашите ќе полнат резервоари по цени кои се за седум ипол односно шест денари пониски од претходната недела.
Тоа е рекорден пад на цените а причината за истиот е вирусот кој никна во Кина а моментно се шири во Европа и токму тој ги потона цените на нафтата на светските пазари а ги урна и светските берзи. Имуни не останавме ниту ние како држава а ниту пак цените на нафтените деривати.
Согласно понеделничката одлука на РКЕ која стапи на сила по полноќ ова се цените според кои денес може да точите бензини и дизел.
ЕУРОСУПЕР БС-95 до следниот понеделник ќе се точи за 54,50 ден/лит додека 56,50 ден/лит ќе чини ЕУРОСУПЕР БС-98.
За 48,50 ден/лит. наредните денови ќе се точи дизелот.
Овој пад на цените е рекорден а намалувањето на цените е најниско регистрирано од 2008 година.