КОНКУРС за избор и реизбор на постојните и нови предавачи, најпрво на неформалните обуки (специјализации)

Добивај вести на Viber

Во текот на месец Февруари, 2023 година, управата од С.Р. Германија, под водство на проф. д-р Улрих Цајтел и членовитепроф. д-р Роналд Глејх, проф. д-р Мајк Шулц и д-р Брижит Спилман, во функција на Институтот Хајделберг во Скопје, а за цели на новата германска високообразована установа ХАЈДЕЛБЕРГ ФАКУЛТЕТ ВО СКОПЈЕ - во кооптација со најстариот државен универзитет за дуални студии од Баден-Виртемберг (С.Р. Германија) ќе објави

КОНКУРС за избор и реизбор на постојните и нови предавачи, најпрво на неформалните обуки (специјализации) кои работат или ќе работат на институцијата, а потоа и на наставничкиот и наставно-научниот кадар за додипломските студии.

Ваквите постапки ќе бидат врз основа на Законот за високото образование на Р.С. Македонија и С.Р. Германија и Статутот на установата. Имено ќе реизберат / избираат повеќе од 50 предачи за неформалната едукација на факултетот, во областите на:

- банкарство;

- осигурување;

- финансии, сметководство и контролинг;

- информатички технологии;

- мехатроника; и

- дигитални и дизајн комуникации и сл.

Мисијата на „ХАЈДЕЛБЕРГ ФАКУЛТЕТ ВО СКОПЈЕ“ е создавање на современи концепти на дуално додипломско и последипломско образование со карактер на стручни студии и поставување на нови професионални стандарди базирани во професијата бизнис администрација, компјутерски науки, со посебен осврт на: бизнис, финансии, податоци и компјутерски науки (сајбер безбедност и софтверско инженерство), мехатроника како и управување и дизајн на дигитални медиуми.

Нашата Визија е имплементација на оспособени стручни кадри во бизнис администрација и компјутерски науки преку формализирање на високото дуално стручно образование согласно меѓународните искуства, со посебен осврт на С.Р. Германија, како и интеграција на неформалната стручна сертификација за: финансии, банкарство, ИТ и дигиталните & дизајн комуникации и мехатроника (согласно препораките на Европската банкарска тренинг асоцијација, Европската алијанса за мали бизниси од Брисел и Стопанските комори во делот на формалното стручно образование). 

Плановите се уште од крајот на оваа година да се започне со двојна диплома, поточно со германска државна диплома и домашна - македонска. Една студиска програма за додипломски студии, а две дипломи (домашна диплома со 180 ЕКТС и државна диплома од СР Германија 210 ЕКТС). Понатаму, во С.Р. Германија, студентите ќе имаат можност да продолжат на мастер (теориски или практичен; Full / Part time) или на докторски студии.  Ова е така, затоа што зад факултетот во Скопје стои државен универзитет од С.Р. Германија.

Институтот, основан на 17.10.2017 година во Скопје им се заблагодарува на сите научно-истражувачки авторитет и од дома и С.Р. Германија, кои изминативе години несебично и искрено ја дадоа довербата и поддршката за Факултетот преку потпишани Изјави на Нотар, за цели на процесите на акредитација. Истите, вкупно на број 49 ќе бидат избрани во наставно-научни и наставнички звања, а дели редовно вработени во Хајделберг Факултет во Скопје во текот на годинава и сукцесивно понатака.