Колку заработувале македонските работници во ноември лани?
Објавено во: Економија 21 Јануари, 2022
Македонските работници во ноември лани во просек заработувале по 29.130 денари, објави Државниот завод за статистика(ДЗС). Ова е сумата за нето плата.
Просечната месечна исплатена бруто-плата била 43.509 денари. Индексот на просечната месечна исплатена нето-плата по вработен во ноември 2021 година, во однос на ноември 2020 година е 105.6. Зголемувањето се должи, пред сѐ, на зголемувањето на просечната месечна исплатена нето-плата по вработен во секторите: стручни, научни и технички дејности (14,4%), објекти за сместување и сервисни дејности со храна (11,5%) и информации и комуникации (11,3%).
Премиерот Димитар Ковачевски вели дека платите растат.
„Како што најавив, следната недела започнува социјалниот дијалог за зголемување и на минималната плата во државата, заедно со синдикатите и компаниите. Дополнително, следува зголемување и на пензиите“, вели тој.
Намалување на просечната месечна исплатена нето-плата по вработен, во однос на претходниот месец, има во секторите: дејности во врска со недвижен имот (3,9%), снабдување со електрична енергија, гас, пареа и климатизација (3,5%) и трговија на големо и трговија на мало; поправка на моторни возила и мотоцикли (2,9%).
Можеби ќе ве интересира
„ЌЕ ГЛЕДАМЕ СЕКОЈ ДЕН КАКО ПРОПАЃА ПО ЕДНА БАНКА“:Милијардер има застрашувачки предвидувања за светската економија
РАСТ НА ТУРИСТИТЕ ВО КИНА - се повеќе се бараат услугите за изнајмување автомобили
KOJA E MИНИМАЛНАТА ПЛАТА ЗА КОЈА БИ РАБОТЕЛЕ: Што кога на интервју за работа ќе ви го постават ова прашање?
ПОРАДИ ЕНОРМНА ПОБАРУВАЧКА ОД РУРАЛНО ВО БИЗНИС СЕЛО - растечката индустрија на перики поттикна промени во источна Кина
ТОП 5: Продадоа најмногу струја во Македонија, двајца трговци се новоетаблирани од Албанија
КЕЛНЕРИ ВО ХРВАТСКА: Реална ли е платата од 2.000 евра?
НЕВРАБОТЕНОСТ ВО ЕУ: Koи земји се со најниска стапка?
РАСТАТ ЦЕНИТЕ И ВО УГОСТИТЕЛСТВОТО - најмногу поскапеле ноќевањата, но и храната во рестораните
