01 Април, 2023
0.0221

Колку пари вртат господарите на струјата?

Објавено во: Економија 08 Мај, 2020

Добивај вести на Viber

На македонскиот пазар на електрична енергија лани 10 фирми регистрирани за трговија со струја свртеле над 10 милиони евра. На нашиот пазар за струја палат и гасат Словенци и Грци, чии фирми ги вртат најголемите пари. А најпрофитабилна во најголемите десет е бугарска компанија. Откако Анѓушев ја продаде ЕДС на грчкото електростопанство, нема домашно поседувана компанија во најголемите десет фирми на нашиот пазар за електрична енергија

На македонскиот пазар за електрична енергија лани се вртеле стотици милиони евра. Според официјални податоци барем половината од потрошената електрична енергија во Македонија е купена по пазарни цени. Најголемите играчи во бизнисот со трговија и снабдување со електрична енергија се големи регионални играчи присутни и на европските пазари. Од јавно достапните податоци на ЦРМ се гледа дека во бизнисот со струја лани во однос на претходната година немало некои значајни поместувања. И лани доминанти учесници на пазарот се ГЕН – И продажба на енергијаЕДС и ЕВН Трејдинг ДООЕЛ. Овие три компании се единствени кои од трговија или снабдување со електрична енергија и од транзит на електрична енергија оствариле приходи еднакви или поголеми на 50 милиони евра. Првата компанија е словенечка, втората грчка, а третата е бугарска (иако во крајна линија е дел од холдингот на австриски ЕВН н.з.)

ГЕН – И продажба на енергија е скопска испостава на најголемата словенечка приватна компанија за производство и трговија со струја ГЕН-И. Оваа фирма лани на нашиот пазар за струја остварила приход од 136 милиони евра и е единствена со приход поголем од 100 милиони евра. Нејзниот приход лани во однос на 2018 година паднал за 8 отсто. ГЕН – И продажба на енергија воедно е и најуспешна компанија од аспект на остварен профит. Лани на нашиот пазар нејзината добивка изнесува 395.000 евра.

Електрисити Деливери Солушнс (ЕДС) е чедото на Кочо Анѓушев, супер успешна македонска компанија чиј основач ја продаде на грчкото државно електростопанство ППЦ пред две години. Оваа компанија лани на нашиот пазар направи приход од 94,2 милиони евра и го зголеми своето пазарно учество за 15 отсто. Оваа компанија е многу присутна во сегментот снабдување со електрична енергија на домашни компании и правни лица. Лани нејзината добивка достигна 273.000 евра и тоа е за 12 пати подобар резултат во споредба со 2018 година.

ЕВ Трејдинг ДООЕЛ е трет најголем учесник на нашиот пазар за струја. Оваа компанија е во сопственост на бугарски ЕВН Трејдинг со седиште во Софија. Лани нејзиниот приход изнесувал 49,4 милиони евра што претставува зголемување на пазарното учество за 31 отсто. Годината ја завршила со загуба од работењето во износ од 9.800 евра.

Според остварениот приход на четврто место е  македонската филијала на словенечката државна компанија за производство на струја Холдинг на словечки електрани (ХСЕ). „ХСЕ Мак Енерџи“ лани остварил приход од 29,6 милиони евра што за 2,5 пати поголем приход од 2018 година. Годината ја завршил со добивка од 205.000 евра што е за 5 пати подобар резултат од 2018 година.

Филијалата на најголемиот швајцарски производител на струја Алпик е во петте најголеми на македонскиот пазар според остварениот приход. Лани генерирале 27,8 милиони евра приходи што е намалување за 21 отсто во однос на 2018 година. Добивката е само 4.400 евра што е пад за 83 отсто во однос на претходната година.

Во најголемите десет учесници на нашиот пазар за електрична енергија се уште: испоставата на словенечкиот енергетски гигант „Петрол“ со приход од 12,2 милиони евра и добивка од 1.200 евра, грчката компанија „Грин Енерџи“ со приход од 21,9 милиони евра и добивка од 237.000 евра, словенечки Интеренерго со приход од 25,6 милиони евра и профит од 118.000 евра, ЕФТ со приход од 11,1 милиони евра и добивка од 27.000 евра и бугарска „Тетра“ со приход од 11,2 милиони евра и профит од 375.000 евра.

Најпрофитабилни компании за трговија и снабдување со струја

компанија

сопственик

добивка

добивка/приход

ГЕН – И продажба

ГЕН-И Словенија

395.000 евра

0,3%

Тетра ДООЕЛ

Джи Пи Енерџи ЕООД, Бугарија

375.000 евра

3,3%

ЕДС

ППЦ Грција

273.000 евра

0,3%

Грин Енерџи

Вирон Василиадис

237.000 евра

1,1%

ХСЕ Мак.Енерџи

ХСЕ Словенија

205.000 евра

0,7%

Р.Ф.

Можеби ќе ве интересира

ССМ: НЕХУМАНО И НЕЧОВЕЧКИ Е ФУНКЦИОНЕРИТЕ ДА УЖИВААТ, а работниците да преживуваат

ССМ: НЕХУМАНО И НЕЧОВЕЧКИ Е ФУНКЦИОНЕРИТЕ ДА УЖИВААТ, а работниците да преживуваат

ВЕЌЕ НЕ БАРААТ ЕВТИНА РАБОТНА СИЛА ВО ГЕРМАНИЈА: Промена и на условите за работниците од Балканот

ВЕЌЕ НЕ БАРААТ ЕВТИНА РАБОТНА СИЛА ВО ГЕРМАНИЈА: Промена и на условите за работниците од Балканот

Велика Британија се приклучува на транспацифичкиот трговски блок

Велика Британија се приклучува на транспацифичкиот трговски блок

БАРААТ ПОМОШ И ОД ФОН ДЕР ЛАЈЕН: Некои членки на ЕУ против зголемениот увоз на земјоделски производи од Украина

БАРААТ ПОМОШ И ОД ФОН ДЕР ЛАЈЕН: Некои членки на ЕУ против зголемениот увоз на земјоделски производи од Украина

ПОВТОРНО РАСТ НА ВРЕДНОСТА НА АКЦИИТЕ - Дали е прерано да се слави?

ПОВТОРНО РАСТ НА ВРЕДНОСТА НА АКЦИИТЕ - Дали е прерано да се слави?

ЌЕ СЕ ПРОШИРИ ЛИ ЛИСАТАТА НА ЗАМРЗНАТИ ПРОИЗВОДИ?! - Се чека одлука за овошјето и зеленчукот

ЌЕ СЕ ПРОШИРИ ЛИ ЛИСАТАТА НА ЗАМРЗНАТИ ПРОИЗВОДИ?! - Се чека одлука за овошјето и зеленчукот

БУГАРИЈА И РОМАНИЈА СО НАЈНИСКИ ТРОШОЦИ ЗА РАБОТНАТА СИЛА - Големи разлики меѓу земјите членки на Унијата

БУГАРИЈА И РОМАНИЈА СО НАЈНИСКИ ТРОШОЦИ ЗА РАБОТНАТА СИЛА - Големи разлики меѓу земјите членки на Унијата

НА ОВИЕ ВОЗИЛА НАЈЧЕСТО СЕ ВРАЌА КИЛОМЕТРАЖАТА: Внимавајте при купувањето користени автомобили

НА ОВИЕ ВОЗИЛА НАЈЧЕСТО СЕ ВРАЌА КИЛОМЕТРАЖАТА: Внимавајте при купувањето користени автомобили

ДАЛИ ЗАБРАНАТА ЌЕ ЈА ПРЕТВОРААТ ВО ПРЕДНОСТ?! Фокус ставен на напредокот во технологијата на полупроводници

ДАЛИ ЗАБРАНАТА ЌЕ ЈА ПРЕТВОРААТ ВО ПРЕДНОСТ?! Фокус ставен на напредокот во технологијата на полупроводници