20 Мај, 2019
0.0470

Колку „кошта“ белата линија на Гајур Кадриу?

Објавено во: Економија 10 Август, 2018

Бојата, разредувачот и перлата со кои се бележи бележат патиштата кои ги одржува „Македонијапат“ чинат половина милион евра. Во тендерот не пишува за колку километри бела линија ќе се потрошат овие тони боја. Но затоа пак на веб страната на „Македонијапат“ директор Гајур Кадриу пишува „Со мое големо залагање, ова ќе биде година на Македонијапат“!

„Македонијапат“ ќе плати безмалку половина милион евра за набавка на материјал за тенкослојна ознака на коловоз односно бела боја, перла и разредувач со кои се одбележува белата линија на магистралните и регионалните патишта низ земјава за чие одржување е задолжена „Македонијапат“. На тендер „Македонијапат“ набави 106 тони бела боја, 17 тони разредувач и 31 тон перла (рефлексит). За оваа набавка „Македонијапат“ ќе плати 481.000 евра (цената е без ДДВ) на скопската фирма „Крафтинг Груп“ од Скопје. Набавка е планирана за една година да ги задоволи потребите за боја за белата патна линија.

Според дадената спецификација, во која не пишува за колку километри пат е потребно ова количество боја, разредувач и перла пишува дека тон боја чини 3.305 евра, тон разредувач чини 4.493 евра, а тон перла чини 1.749 евра. Стоката „Македонијапат“ ќе ја нарачува сукцесивно, согласно со потребите, а операторот е должен да ја достави во секцијата „Прилеп“ во рок од 7 дена од направената нарачка. Бојата треба да ги задоволува стандардите MKC EN 1436+A1:2009 или еквивалентно.

Што работи „Македонијапат“

Јавното Претпријатие за одржување и заштита на магистралните и регионалните патишта  "Македонијапат" има повеќе работни задачи и обврски, меѓу кои позначајни се: редовно и зимско одржување на магистралните и регионалните патишта, проектирање на помали објекти на патиштата, асфалтирање на помали делници и крпење на ударни дупки, проектирање, изработка и поставување на вертикална и хоризонтална сигнализација, заштита на патишта, автоматско и рачно броење на сообраќајот, катастар на патишта и мостови, информативна служба за состојбата на патиштата и друго. Јавното претпријатие одржува повеќе од 4.400 километри патишта ширум Македонија. Според тоа што го пишува на веб страницата на „Македонијапат“ претпријатието одржува 294 километри автопат и уште над 1.100 километри регионални и магистрални патишта. Фирмата е организирана во пет подружници: Автопат, Скопје, Велес, Битола и Штип. Најмногу километри одржува подружницата „Битола“ – 1.300 и тоа на делниците: Плетвар, Прилеп, Битола, Кичево, Охрид и Струга. Подружница Скопје ги одржува делниците: Дебар, Гостивар, Тетово, Скопје, Куманово и Крива Паланка во должина од 1.149 километри. Подружница Штип одржува 1.011 километри и тоа на делниците: Кратово, Штип и Струмица. Подружница Велес одржува 662 километри на делницата Велес – Гевгелија.

Р.Ф.

Можеби ќе ве интересира

Големо намалување на цените на прехрамбени продукти од денеска во Грција, поевтинуваат и рестораните

Големо намалување на цените на прехрамбени продукти од денеска во Грција, поевтинуваат и рестораните

ПРИЈАВИТЕ ЗА СУБВЕНЦИИ ВО ТЕК: Ако планирате да ја зголемите енергетската ефикасност на домот еве како да си повратите дел од потрошените средства

ПРИЈАВИТЕ ЗА СУБВЕНЦИИ ВО ТЕК: Ако планирате да ја зголемите енергетската ефикасност на домот еве како да си повратите дел од потрошените средства

Македонија чека абер од Грција за поевтин роаминг

Македонија чека абер од Грција за поевтин роаминг

Кој за 90 дена прави 9 милиони евра профит?

Кој за 90 дена прави 9 милиони евра профит?

Интервју со Митко Андреевски, советникот за енергетика на премиерот Заев: Концептот „Јужен поток“ веќе го напуштивме

Интервју со Митко Андреевски, советникот за енергетика на премиерот Заев: Концептот „Јужен поток“ веќе го напуштивме

Цената на нафтата во вис: Горивата ќе поскапат и кај нас

Цената на нафтата во вис: Горивата ќе поскапат и кај нас

„Ван Хол“ во големата тројка: Колкава добивка направи лани производителот на автобуси?

„Ван Хол“ во големата тројка: Колкава добивка направи лани производителот на автобуси?

Нов скок на цената на нафтата: Дали повторно ќе се коригираат цените на нафтените деривати во државата?

Нов скок на цената на нафтата: Дали повторно ќе се коригираат цените на нафтените деривати во државата?

Ги тресе политичка криза, но за две недели продадоа 14 тони злато

Ги тресе политичка криза, но за две недели продадоа 14 тони злато