06 Октомври, 2022
0.0248

Koлку ќе нè чини тегла ајвар годинава и дали ќе се исплати да правиме?

Објавено во: Економија 17 Август, 2022

Добивај вести на Viber

Дали оваа зима ќе имаме ајвар на трпезите како претходните години или ќе правиме во помали количини? Има семејства кои досега правеле по 20, 30 тегли ајвар, но сега се двоумат  поради скапотијата. 

Катерина Василеска од Охрид која се занимава со производство на зимници објаснува дека за да се добие една голема тегла ајвар се трошат 2 килограми пиперки, но важен е и квалитетот. Дополнително потребно е масло, и други мирудии, се троши  електрична енергија или пак дрва за огрев и тоа секако ја крева цената на производот.

„Пиперките не се толку скапи, колку што маслото за јадење е поскапено. Јас оваа година една голема тегла ајвар планирам да ја продавам по 400 денари. Очекувам дека луѓето помалку ќе купуваат, затоа што за тие пари можат да купат други намирници“, кажа  Василеска.

Земјоделците од струмичкиот регион велат дека пиперките за ајвар веќе ги има на дел од пазарите во земјава, и се продаваат по цена од 40 до 45 денари за  килограм. Објаснуваат дека иако не е како лани, сепак ајварка ќе има во доволни количини. Дел од неа ќе заврши за извоз во Словенија, Хрватска, Полска. Борче Јанев,  претседател на Здружението на земјоделци Проагро фармери од Струмица вели дека повеќето земјоделци садат ајварка и зелка, и овој вид пиперка ќе го има на пазарите во потребните колични. Но, од понеделник се очекува нова цена.

„Околу 80 отсто од земјоделците садат зелка и ајварка, затоа што таа е полесна за одгледување, помалку бара хемиска заштита, за разлика од доматот или краставицата. Македонската ајварка се бара во Хрватска, Полска, Германија, Романија. Ако се погледне дека сè друго е поскапено, ајварката нема да биде скапа“, рече Јанев.

Бончо Божиков, земјоделец од струмичкото село Дабиле смета дека оваа сезона ајварката не треба да падне под 35 денари за килограм за да им се исплати трудот. Објаснува дека првата берба, односно најквалитетните пиперки одат за извоз во странство.

„На некои пазари веќе ја има ајварката, на некои уште не се продава, но околу 1 септември масовно ќе почне бербата и до 10 септември ќе биде ударно, затоа што во тој период се прават зимниците“, раскажува Божиков.

Во Македонија годишно се произведуваат околу 50 илјади тони ајварка. Таа има долга традиција во македонското поднебје.

Сања Атанасовска

photo freepik.com/svetlana_cherruty

Можеби ќе ве интересира

ФАКТОР НА ДЕНОТ: ВМРО-ДПМНЕ ги предаде контактите на Бектеши, сега на потег е Владата

ФАКТОР НА ДЕНОТ: ВМРО-ДПМНЕ ги предаде контактите на Бектеши, сега на потег е Владата

Србија од 1 ноември останува без руска нафта

Србија од 1 ноември останува без руска нафта

Одржан Економски совет во проширен состав: Време е за одговорно однесување со енергенсите

Одржан Економски совет во проширен состав: Време е за одговорно однесување со енергенсите

Генерали Инвестментс: Главната економска политика е борбата против инфлацијата, а рецесијата е неопходно зло

Генерали Инвестментс: Главната економска политика е борбата против инфлацијата, а рецесијата е неопходно зло

ССМ: Платите во државата да го следат порастот на инфлацијата, но и порастот на синдикалната кошница

ССМ: Платите во државата да го следат порастот на инфлацијата, но и порастот на синдикалната кошница

ДИЗЕЛОТ ПОСКАПУВА ДВА ДЕНАРИ, БЕНЗИНИТЕ СО ИСТИ ЦЕНИ, еве ги цените на нафтените деривати

ДИЗЕЛОТ ПОСКАПУВА ДВА ДЕНАРИ, БЕНЗИНИТЕ СО ИСТИ ЦЕНИ, еве ги цените на нафтените деривати

Се укинуваат раните часови за шопинг во Грција заради штедење струја

Се укинуваат раните часови за шопинг во Грција заради штедење струја

ЏЕВДЕТ ХАЈРЕДИНИ ГО ПРОЗВА МИЦКОСКИ: Зошто не изградивте ниту една електрична централа додека бевте директор на ЕСМ

ЏЕВДЕТ ХАЈРЕДИНИ ГО ПРОЗВА МИЦКОСКИ: Зошто не изградивте ниту една електрична централа додека бевте директор на ЕСМ

„Гаспром“ тврди дека повторно ќе пушти гас преку Австрија

„Гаспром“ тврди дека повторно ќе пушти гас преку Австрија