Која европска земја ја намали употребата на гас од 79 на 21 отсто?
Објавено во: Економија 21 Ноември, 2022
Зависноста од рускиот гас е намалена на 21 отсто во Австрија. Властите сакаат да бидат целосно независни.
Земјата преку диверзификација, значително ја намали зависноста од рускиот гас од досегашните 79 на 21 отсто, објави австирското Министерството за енергетика. Регулаторното тело „Е контрол“ соопшти дека уделот на рускиот гас во февруари изнесувал 79 отсто, а Австрија, како што стои во соопштението, успеала да ги замени испораките од Русија кои сега се 21 отсто. Австрија изнајми 40 терават часови капацитет на гасовод за Германија и Италија. Тоа и овозможи да увезува гас од Норвешка, како и течен природен гас и помали количини гас од Северна Африка и Централна Азија.
„Направивме огромен чекор во ослободувањето од зависноста од рускиот гас“, изјави министерката за енергетика Леоноре Гевеслер.
Таа им се заблагодари на граѓаните за заштедата на енергија.
Европа настојува да ја намали зависноста од рускиот гас, откако Русија ја почна војната во Украина и енергенсите ги користи како ресурси. Поради руската инвазија на Украина, Русија е под санкции.foto freepik.com/fanijanhua