20 Мај, 2024
0.0248

КОЈ ЗАРАБОТИ 1,5 МИЛИОНИ ЕВРА ОД ИЗВОЗ НА ЈАГНЕШКО ЗА КАТОЛИЧКИ ВЕЛИГДЕН? Целиот извоз бил пласиран во Хрватска

Објавено во: Економија 23 Април, 2024

Добивај вести на Viber

Јагнињата стивнаа, а струмичката компанија „Кланица со ладилник“ инкасираше 1,5 милиони евра од извоз на јагнешко на хрватскиот пазар. Католичкиот Велигден на оваа струмичка фирма и донесе профит од 1,07 милиони евра за првите три месеци годинава

Струмичката компанија „Кланица со ладилник“ во првиот квартал годинава направи профит поголем од 1 милион евра, покажуваат официјалните податоци од билансот на успех на таа компанија за првиот квартал годинава.

Во првите три месеци (читај март н.з.) оваа компанија успеала да оствари извоз вреден 1,5 милиони евра. Станува збор за извоз на јагнешко месо за католички Велигден. Ова е потврдено и во објаснувањето кон финанскискиот извештај, објавено на сајтот на берзата, во кое е наведено дека целиот извоз на јагнешко месо бил пласиран во Хрватска и дека во најголема мерка тоа е за потребите на потрошувачите за католички Велигден.

Официјалните податоци покажуваат дека годинава за првите три месец нивниот извоз пораснал за 51 отсто во споредба со истиот период во 2023 година.

Вкупните приходи од продажба на „Кланица со ладилник“ за првиот квартал изнесуваат 1,89 милиони евра и најголем дел од нив се од извоз на јагнешко место во Хрватска. Во структурата на приходите продажбата на друго месо (веројатно продажбата дома н.з.) учествува со 245.000 евра, а од други услуги (за колење) компанијата инкасирала нешто над 100.000 евра.

Трошоците на компанијата во овој период изнесувале 819.000 евра и биле на исто ниво како и во првото тромесечје лани. Тоа придонело добивката годинава да биде за 70 отсто повисока во однос на претходната година. Таа изнесува 1,07 милиони евра.

Достапните податоци за компанијата покажуваат дека ова друштво драстично ги зголемило своите приходи лани во однос на 2022 година. Вкупно од продажба инкасирало над 4,5 милиони евра што е 2,4 пати подобро од 2022 година.

Доминантен сопственик на „Кланица со ладилник“ од Струмица е струмичката компанија „Ронибет“која поседува 77,3 отсто од акциите со право на глас. Интересно е тоа што оваа струмичка компанија има повеќе од 1.300 мали домашни акционери – физички лица кои поседуваат 21,5 отсто од акциите.

Со компанијата управува трочлен управен одбор со кој претседава Александар Ричлиев. 

Р.Ф.

foto freepik.com


Можеби ќе ве интересира

ШТО СЕ СЛУЧУВА СО ЗЛАТОТО? Цената повторно на рекордно ниво

ШТО СЕ СЛУЧУВА СО ЗЛАТОТО? Цената повторно на рекордно ниво

ВАЖНА ОДЛУКА НА РЕГУЛАТОРНА- ВАЖИ И ЗА ДИЗЕЛАШИ И ЗА БЕНЗИНЦИ: По полноќ поевтинуваат сите горива, еве ги новите цени

ВАЖНА ОДЛУКА НА РЕГУЛАТОРНА- ВАЖИ И ЗА ДИЗЕЛАШИ И ЗА БЕНЗИНЦИ: По полноќ поевтинуваат сите горива, еве ги новите цени

ФАКТОР ИСТРАЖУВА: Кои се кавадаречките милионери за 2023 година?

ФАКТОР ИСТРАЖУВА: Кои се кавадаречките милионери за 2023 година?

Адвокатска комора на Македонија: Членот 368 од Законот за облигациони односи е спротивен на уставот и ги прекршува човековите права, неопходно е решение

Адвокатска комора на Македонија: Членот 368 од Законот за облигациони односи е спротивен на уставот и ги прекршува човековите права, неопходно е решение

НЕКОЈ МНОГУ САКАШЕ АКЦИИ ОД „МАКЕДОНИЈАТУРИСТ“ И ПЛАТИ НАД 700 ИЛЈАДИ ЕВРА - нови поместувања во структурата на хотелиерската компанија

НЕКОЈ МНОГУ САКАШЕ АКЦИИ ОД „МАКЕДОНИЈАТУРИСТ“ И ПЛАТИ НАД 700 ИЛЈАДИ ЕВРА - нови поместувања во структурата на хотелиерската компанија

УШТЕ ЕДНА ГОЛЕМА ИНФОРМАЦИЈА ЗА ЛИДЛ ВО МАКЕДОНИЈА: Планира да вработи 150 работници во нова инвестиција вредна 80 милиони евра

УШТЕ ЕДНА ГОЛЕМА ИНФОРМАЦИЈА ЗА ЛИДЛ ВО МАКЕДОНИЈА: Планира да вработи 150 работници во нова инвестиција вредна 80 милиони евра

ФАКТОР АНАЛИЗА: Прават милиони евра од цевки и камен

ФАКТОР АНАЛИЗА: Прават милиони евра од цевки и камен

АНАЛИЗА: Што ќе се случи со Германија ако си замине од ЕУ?

АНАЛИЗА: Што ќе се случи со Германија ако си замине од ЕУ?

Сопственикот и главниот оперативен тим одушевени од развојот на Костал во Охрид, компанијата почнува сериско производство на технолошки најнапредна електроника за Фолксваген

Сопственикот и главниот оперативен тим одушевени од развојот на Костал во Охрид, компанијата почнува сериско производство на технолошки најнапредна електроника за Фолксваген