14 Август, 2020
0.0353

Кој станува рамноправен во „Фершпед“ со таткото и синовите Накови?

Објавено во: Економија 13 Јули, 2020

„Макошпед“ плати 860.000 евра за да купи фирма која нема никаков бизнис освен тоа што поседува речиси 7 отсто од акциите во „Фершпед“. Сега „Макошпед“ контролира директно и преку „Магнум Медиа“ 20 отсто од акциите во „Фершпед“ и е рамноправен партнер на досега неприкосновените татко и синови Накови. Што може да се случи ако еден голем акционер во „Макошпед“ кој е многу ранлив (н.з.) реши да откаже „љубов“ на „своите“ и да се приклони кон „нова партија“ со еден мега магнат на кој реално му треба доверлива шпедиција? Ќе треба ли да интервенира некој од големите банкари да се бара компромисно решение во кое ниту една страна нема да биде задоволна, а сите ќе се ранливи и послушни?

Малата скопска шпедиција, со славно минато, „Макошпед“ стави под контрола 6,8 отсто од акциите на „Фершпед“ за што плати околу 860.000 евра. „Макошпед“ посредно го зголеми своето учество во акционерската структура на „Фершпед“ така што ги откупи сите други удели од косопственикот на „Магнум Медиа“ фирмата која го поседува „Супер Х Трејд“ компанијата која е акционер во „Фершпед“ и поседува 6,8 отсто од акциите.

 Сега „Макошпед“ е убедливо најголем поединечен акционер во групата „Фершпед“ која освен што е најголема шпедиција е доминатен сопственик на хотели во Охрид и во Скопје и голем акционер во скопската кондиторска индустрија „Европа“. Новата трансакција со сопственоста врз „Магнум Медиа“ го направи „Макошпед“ рамноправен партнер на таткото и синовите Накови кои заедно поседуваат околу 24 отсто од акциите на групата „Фершпед“.

Каков е сега распоредот на силите во „Фершпед“?

Дали е ова интерес на Кочо Моцан, Илија Гечев и повеќе од 600 домашни физички лица – мали акционери во „Макошпед“?

Особено интересно е тоа што оваа трансакција за купување на „Магнум Медиа“ помина со (премолчно или отворено? н.з) одобрување на Илија Гечев, еден од најголемите и најспешни македонски бизнисмени ко-сопственик на металната индустрија ИГМ која лани има приходи поголеми од 100 милиони евра. Неговата компанија има потреба од доверлив шпедитерски партнер и веројатно заради тоа Гечев преку ИГМ си купи 16,6 отсто од акциите во „Макошпед“. Други клучни партнери во „Макошпед“ се Кочо Моцан преку неговата компанија „Мепком“ (која беше голем акционер во стечаецот „Технометал Вардар“) и „Уготур“ услужна компанија за која се шпекулира дека во нејзиното оперативно управување големо дури и пресудно влијаение има еден од тројцата Накови. 

Одлуката за откуп на уделите на Александар Михајлов во „Магнум Медиа“ беше донесена на акционерско собрание на 28 мај, а е објавена сега (на СЕИ НЕТ ) што значи дека трансакцијата е реализирана, а „Макошпед“ на Михајлов му исплатил околу 860.000 евра за 66 отсто од уделите во штипската фирма „Магнум Медиа“.

Што е значајно да знаеме за „Супер Х трјед“, а е поврзано со „Фершпед“?

Поранешен сопственик на таа фирма беше Мите Николов, познат штипски бизнисмен (роднина на Накови н.з.) што беше сопственик на „Брилијант“ големата компанија за производство на масло за јадење од Штип која сега е во сопственост на најголемата домашна кондиторско – прехранбена компанија „Витаминка“.
„Супер Х трејд“ е правен наследник на „АВТ Консалтинг“ компанија што своевремено во 2014 и во 2015 година во неколку наврати купи над 10 отсто од акциите на „Фершпед“ (откако од акционерската структура на „Фершпед“ излезе Кираца Трајковска н.з.)

( Р. Ф.)

Можеби ќе ве интересира

Нема да можете да плаќате сметки во пошта, еве зошто...

Нема да можете да плаќате сметки во пошта, еве зошто...

ПАД ВО ТУРИЗМОТ ЗА 95 ОТСТО: Мал број Срби, Турци, Бугари, Албанци сепак шетале низ Македонија

ПАД ВО ТУРИЗМОТ ЗА 95 ОТСТО: Мал број Срби, Турци, Бугари, Албанци сепак шетале низ Македонија

КХВ: Укината дозволата на Дирекцијата на Еуростандард, пазарот останува стабилен

КХВ: Укината дозволата на Дирекцијата на Еуростандард, пазарот останува стабилен

Отворете сметка или депозит во Халкбанк и добијте ваучер за да се почестите на наша сметка

Отворете сметка или депозит во Халкбанк и добијте ваучер за да се почестите на наша сметка

Се огласија винариите и трговците со вино: Откупните цени се мали затоа што државата не помага

Се огласија винариите и трговците со вино: Откупните цени се мали затоа што државата не помага

Берзата трајно ја исклучи Еуростандард банка од членство

Берзата трајно ја исклучи Еуростандард банка од членство

ФОНДОТ ЗА ОСИГУРУВАЊЕ ДЕПОЗИТИ ДО ШТЕДАЧИТЕ - ќе има известување кога и преку кои банки ќе тече обесштетувањето

ФОНДОТ ЗА ОСИГУРУВАЊЕ ДЕПОЗИТИ ДО ШТЕДАЧИТЕ - ќе има известување кога и преку кои банки ќе тече обесштетувањето

КОРИСНИЦИТЕ НА СЕФОВИ ДА БИДАТ МИРНИ: Ќе си ги земат вредните предмети откако ќе почне со работа стечајниот управник

КОРИСНИЦИТЕ НА СЕФОВИ ДА БИДАТ МИРНИ: Ќе си ги земат вредните предмети откако ќе почне со работа стечајниот управник

Нина Ангеловска го демантира ВМРО-ДПМНЕ за депозитот во Еуростандард

Нина Ангеловска го демантира ВМРО-ДПМНЕ за депозитот во Еуростандард