Кој од „земање крв“ наплати над 17 милиони евра?
Објавено во: Економија 15 Април, 2022
Најпрофитабилните три лаборатории се воедно и најголеми по остварен приход од продажба на услуги. Агрегатот од добивката на трите лаборатории лани изнесува 6,8 милиони евра и тоа е речиси дупло повеќе од 2020 година
Бизнисот со лабораториски услуги и лани беше број еден во Македонија. Најголемите приватни лаборатории ја зајакнаа својата пазарна позиција во услови на пандемијата предизвикана од корона вирусот.
Во вакви услови на работа со зголемен број на пациенти кои прават најразлични хемиски анализи најголемите приватни лаборатории лани ги зголемија приходите за 70 отсто во споредба со претходната 2020 година.
На нашиот пазар на приватни лабораториски здравствени услуги и лани продолжија да доминираат „Авицена“ и „Биотек“. За разлика од 2020 година, лани во големата тројка лаборатории се приклучи „Никоб“. Ова го покажуваат официјални податоци достапни од базата на Централниот регистар.
Убедливо најголем пазарен учесник лани е „Авицена“ со приход од 7,1 милиони евра. Оваа компанија лани ги зголемила приходите за 52 отсто во споредба со претходната година. Најголемата приватна компанија за лабораториски услуги лани остварила профит од 2,8 милиони евра. Добивката на ова друштво пораснала за 75 отсто во споредба со 2020 година.
Најголем раст на приходите од лабораториски услуги лани има скопски Биотек. Лани од нивните услуги за „земање крв“ наплатиле 6,1 милиони евра. Тоа е за 2,2 пати повеќе од 2020 година. Добивката лани во споредба со претходната споредбена година пораснала за 1 милион евра и достигнала 2,6 милиони евра.
Новиот играч во големата тројка е Никоб кој лани влезе во фокус на јавноста, меѓудругото, со отворање на здравствени пунктови на повеќе гранични премини. Лани оваа компанија направи приход од 4 милиони евра. Од тие пари 1,4 милиони евра останале како чист профит.
Вкупниот профит на најголемите три лаборатории лани изнесува 6,8 милиони евра. Тоа е речиси двојно повеќе од профитот на најдобитните три лаборатории во 2020 година.
Р.Ф.
Можеби ќе ве интересира
ПРОДАВАЧКА ДОБИЛА ОТКАЗ ПОСЛЕ 68 ГОДИНИ РАБОТА - поради работата не одела ни на меден месец, граѓаните во солзи
ЕУ ВОВЕДУВА НОВИ ПРАВИЛА: Голем дел од амбалажата што сега ја знаеме, до 2023 година веќе нема да изгледа исто
НЕ Е МАРАТОНЕЦ, НО ТРЧА СО БРЗИНА ОД 6 КИЛОМЕТРИ НА ЧАС - Тиангонг е хуманоиден робот кој се движи како ниеден досега
КОЈА ФАБРИКА ЗА ЧОКОЛАДИ „НАБИЛДА“ ДОБИВКА ОД 240 ИЛЈАДИ ЕВРА ЗА ТРИ МЕСЕЦИ - еве кои се причините
ЗА ЈАХТИ, ХАЦИЕНДИ И СКАПИ КОЛИ ЌЕ СЕ ПЛАЌА ПОСЕБЕН ДАНОК, ЗА ПЛАТИ НАД 7.700 ЕВРА 40 ОТСТО ПЕРСОНАЛЕЦ - еве какви решенија нуди Левица
НАЈНОВА СТАТИСТИКА: Србите сѐ помалку бараат работа во странство, младите сѐ повеќе одлучуваат да останат во својата земја
ЕДЕН ОД НАЈГОЛЕМИТЕ ТРГОВСКИ СИНЏИРИ ВО ЕВРОПА Е ПРЕД БАНКРОТ: Се затвораат 16 стоковни куќи, 1.400 работници остануваат без работа
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
ВО ГЕРМАНИЈА СЀ ПОВЕЌЕ СЕ ЧУВСТВУВААТ ПОСЛЕДИЦИТЕ ОД КРИЗАТА: Пристигна загрижувачка оценка
