Кој ќе ги плати банкарските услуги за повратот на ДДВ?

Добивај вести на Viber

Управата за јавни приходи (УЈП) не инсталирала нов информатички систем, туку за повратот на 15 отсто од ДДВ кој треба да почне од први јули, само го надградила постојниот систем. Од УЈП за Фактор велат дека надграден е со систем за евиденција на фискалните сметки поднесени од граѓаните, но исто така биле прилагодени и постојните системи за авторизација на корисниците на информатичкиот систем на УЈП.

Фактор праша колку чини прилагодувањето на хардверот или софтеворот, а од УЈП велат дека била искористена постојната хардверска инфраструктура. Сепак одговараат дека во првата година овој проект за одредени сегменти ќе ја чини државата над 76 илјади евра.

„Целокупната услуга во смисла на проектирање и инсталација на новиот систем, изработката на корисничките апликации за iОS, Android, WindowsiLinux, изработката на веб апликација како и едногодишното одржување чини 4,7милиони денари, одговорија од УЈП.

За да им ги врати парите од повратот по основ на собрана сума од фискалните, државата треба да плати и банкарски услуги. Парите ќе легнуваат на сметките на граѓаните, но од УЈП велат дека тој трошок е незначителен. За точна сума упатуваат на одговори од Министерството за финансии.

„Во врска со трошокот по основ на банкарски услуги за префрлање на сметки на регистрираните физички лица за враќање на 15 проценти од ДДВ, ве информираме дека, наведениот трошок беше земен предвид при реализација на овој проект. Во тој контекст ве информираме дека станува збор за незначителен износ, а за прецизната сума може да се обратите до Министерство за финансии, од каде ќе се врши фактичката исплата на 15 отсто од ДДВ коешто ќе се враќа на граѓаните, велат оттаму.

Преку апликацијата која веќе е креирана ќе се прифаќаатфискални сметкисметки издадени од 1. јули 2019година.

Според најавите и предлог законот за враќање на 15 отсто од ДДВ, можност за поврат на дел од овој данок ќе имаат сите граѓани кои имаат наполнети 15 години. Сите ќе треба редовно да ги земаат фискалните сметки на продажните места, а потоа да ги скенираат преку мобилен телефон.

Владата очекува на ваков начин кон граѓаните да се вратат 50 милиони евра.