28 Септември, 2022
0.0249

Кој е најдобитен акционер? Од дивиденда наплати 1,15 милиони евра!

Објавено во: Економија 10 Август, 2022

Добивај вести на Viber

Вложувањата во акции на „Комерцијална банка“ излегоа многу добра и исплатлива инвестиција. Особено за „Гранит“ кој благодарејќи на дивидендата од оваа акција е најдобитен акционер во конкуренција на компаниите чии акции котираат на берза и приходите од дивиденди ги книжат во извештаите за парични текови

Најголемата македонска градежна компанија „Гранит“ во првото полугодие годинава е и акционер што добил најголем износ на дивиденда, покажува анализата на „Фактор“ на финансиските извештаи од паричните токови на компаниите чии акции котираат на Македонската берза.

Во вториот квартал „Гранит“ од финансиски приходи наплатил вкупно 1,2 милиони евра од кои дури 1,15 милиони евра се од дивиденда. Според нашите информации приливот, во најголема мерка, е од дивидендата на акциите кои „Гранит“ ги има во „Комерцијална банка“. Таа дивиденда беше исплатена кон крајот на април годинава.

Билансот на успех на „Гранит“ покажува дека благодарејќи на финансиските приходи компанијата во првото полугодие го заврши со добивка од работењето. Приходите од продажба на „Гранит“ за овој период изнесуваат 28,7 милиони евра, а неговите оперативни расходи изнесуваат 30,3 милиони евра.

„Гранит“ купи акции во „Комерцијална банка“ пред повеќе од четири години во период кога својот стек го продаваше странски институционален инвеститор. Во тој период од тие акции во „Комерцијална банка“ купија и „Адора Инженеринг“ (сега најголем поединечен акционер), но и „Макпетрол“.

Паричните текови на финансиските извештаи на котираните акции, достапни на берзата, покажуваат две компании во првите два квартали отскокнуваат по дивидендните приноси од сите други котирани друштва. Освен „Гранит“ тоа е македонскиот гигант за трговија на мало со горива – скопски „Макпетрол“. Неговиот финансиски приход за шест месеци изнесува 1,79 милиони евра. Од тоа 961.000 евра се приходи од дивиденда во што значајно учество имаат акциите кои „Макпетрол“ ги има во „Комерцијална банка“. „Макпетрол“ смета и на уште еден значаен дивиденден прилив во овој период, а тоа се акциите на транспортната компанија ОИЛКО во која „Макпетрол“ поседува над 35 отсто од акциите со право на глас. Во финансиските приходи на компанијата за овој период каматите придонеле со 732.000 евра.

Како што веќе пишувавме во најдобитните акционери е и најголемата домашна хотелиерска компанија „Македонијатурист“. Според официјалните податоци од паричниот тек „Македонијатурист“ во вториот квартал од дивидени наплатила 561.000 евра. Податоците од билансот на состојба на компанијата покажуваат дека „Македонијатурист“ на крај на јуни во хартии од вредност вложила 14,5 милиони евра. Познато е дека оваа компанија има значаен стек акции во најголемата домашна според активата т.е. Комерцијална банка и дека токму од таа акција е најзначајниот дивиденден принос кој учествува во тие 561.000 евра. Воедно компанијата има вложувања и во удели на инвестициски фондови.

Р.Ф.

Можеби ќе ве интересира

АКО НЕ СЕ ОБЕЗБЕДИ ГАС ОД СРБИЈА, ТОПЛАНИТЕ ЌЕ РАБОТАТ НА МАЗУТ - советникот на Владата за енергетика ветува парно за скопјани на 15 октомври

АКО НЕ СЕ ОБЕЗБЕДИ ГАС ОД СРБИЈА, ТОПЛАНИТЕ ЌЕ РАБОТАТ НА МАЗУТ - советникот на Владата за енергетика ветува парно за скопјани на 15 октомври

Генерали Инвестментс: Внимателно, неизвесноста и нестабилноста на пазарите се високи

Генерали Инвестментс: Внимателно, неизвесноста и нестабилноста на пазарите се високи

Францускиот амбасадор во официјална работна посета на „Алкалоид“

Францускиот амбасадор во официјална работна посета на „Алкалоид“

Владата ќе набавува централа што ќе произведува струја од дизел

Владата ќе набавува централа што ќе произведува струја од дизел

ВМРО-ДПМНЕ со предлог за законски измени: Комуналните претпријатија, училиштата и болниците не смеат да плаќаат струја на слободен пазар

ВМРО-ДПМНЕ со предлог за законски измени: Комуналните претпријатија, училиштата и болниците не смеат да плаќаат струја на слободен пазар

ССМ: ИНСПЕКТОРИ ВО КОНТРОЛА НА ВОДОВОД И КАНАЛИЗАЦИЈА, стотина фамилии без егзистенција

ССМ: ИНСПЕКТОРИ ВО КОНТРОЛА НА ВОДОВОД И КАНАЛИЗАЦИЈА, стотина фамилии без егзистенција

Владиниот советник Виктор Андонов открива: Гасот ќе го купиме од Србија

Владиниот советник Виктор Андонов открива: Гасот ќе го купиме од Србија

Зошто Путин сака да го разнесе Северен тек?

Зошто Путин сака да го разнесе Северен тек?

Мапирање на ИТ индустријата во Македонија: Кој е најпопуларен програмски јазик?

Мапирање на ИТ индустријата во Македонија: Кој е најпопуларен програмски јазик?