28 Март, 2024
0.0239

Кои компании направија 150 милиони евра од продажба на компјутери, телевизори и бела техника?

Објавено во: Економија 10 Јуни, 2021

Добивај вести на Viber

Најголемите четири домашни компании за продажба на мало на уред и за домаќинство лани направија агрегиран приход од продажба од речиси 150 милиони евра! Короната не затвори дома па да не е досадно си купувавме уреди за домаќинство

Нема зима ниту корона криза кога е во прашање нашата национална потреба за нови телевизори, гаџети, бела техника и сите уреди за домаќинството. Нашите најголеми и најдобро снабдени ланци на маркети минатата година, која ја одбележа корона пандемијата, имаат солидни резултати и одлични растови на добивките.

Нептун ДОО останува неприкосновен снабдувач на нашата нација со нови уредиза домаќинство и популарна бела техника. Минатата година фирмата во сопственост на Арсим и Илир Папраднику и „Балфин Груп“ оствари приход од 60 милиони евра што ја прави најголем продавач на мало на уреди за домаќинство во Македонија. Приходот од продажба е на исто ниво како и во 2019 година.

Нето добивката на друштвото лани е зголемена за 11 отсто во споредба со претходната 2019 година и лани достигна 3 милиони евра. Во апсолутен износ „Нептун Македонија“ има најголем профит во споредба со конкурентните компании.

„Сетек - Се од техника“ е компанија која се зацврсти на втората позиција на нашиот пазар според приходите од продажба, но и според профитот. Добивката на семејната фирма на Дејан и Игор Кимовски лани изнесува 2,7 милиони евра и е 2,5 пати повисока од профитот остварен во претходната година. Приходот на „Сетек“ лани достигна 44,7 милиони евра што е за 31 отсто повеќе од претходната година.

Според остварените приходи од продажба на трето место е скопската компанија „Техномаркет“ со реализација од 18 милиони евра. Ова друштво кое е во сопственост на „Амако НЕТ Скопје“ кое пак е во сопственост на Андреја Хочевар (сопственик и на „Анхоч“ н.з.) лани од продажба оствари профит од 720.000 евра и тоа е два пати повеќе од добивката во 2019 година.

Другата фирма на Хочевар – „Анхоч“ специјализирана на технолошки уреди лани ја зголеми својата продажба за 38 отсто до 16,2 милиони евра. Добивката е зголемена за 3,3 пати и изнесува 1,3 милиони евра.

Најмал меѓу најголемите е кумановскио ланец Алфи Би. Приходот на оваа компанија лани бил 9,7 милиони евра и тоа е за 38 отсто повеќе од претходната година. Иако е најмал по приходи сопственикот на оваа фирма Гоце Серафимовски ја знае тајнатана профитабилноста. Затоа што „Алфи Би“ ја има најдобрата профитна маргина – повисока од 10 отсто од приходите. Добивката на друштвото е нешто над 1 милион евра што е за 69 отсто повеќе од претходната година.  

Р.Ф.

Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат