ЌЕРКАТА НА БАКИР ИЗЕТБЕГОВИЌ СЕ РАЗВЕДУВА, А СВАДБАТА БЕШЕ ЛАНИ И ЧИНЕШЕ ЦЕЛО БОГАТСТВО: Гостин беше и Ердоган

Добивај вести на Viber

Jасмина Изетбеговиќ, ќерката на претседателот на Партијата за демократска акција од Босна и Херцеговина, Бакир Изетбеговиќ, неодамна се разведе од бизнисменот Ќамил Хумачкиќ, сопственик на ИТ компанија во Германија, пишува Klix.ba.

Јасмина и Ќамил се венчаа минатата година во Сараево. Медиумите во БиХ нивната венчавка ја нарекоа „свадба на годината“.

Поранешните сопружници направија шеријатска венчавка во Гази Хусрев-беговата џамија, а потоа граѓанска венчавка и милионска веселба.

Венчавката се одржа во строга приватност, но медиумите за неа пишуваа со денови. Младенците и нивните родители беа целосно засенети од кумот на Јасмин, турскиот претседател Реџеп Таип Ердоган, кој на церемонијата пристигна со сопругата.

Се славеше во хотелот „Европа“ со 250 гости. Пред да влезат во салата, сите гости морале да ги остават мобилните телефони, додека поканите биле чипирани за да се заштити приватноста и безбедноста на младенците и гостите.

Вниманието на свадбата со неверојатна креација го украде мајката на Јасмин, Себија Изетбеговиќ, која се појави во розов фустан со златен украс од дизајнерката Мари Риналди.

Која е Јасмина?

Јасмина Изетбеговиќ е внука на покојниот претседател на Бих, Алија Изетбеговиќ кој јавноста го знае од 90-тите години и војната во поранешна Југославија. Тој, заедно со Фрањо Туџман и Слободан Милошевиќ е потписник на Дејтонскиот договор во 1995 година со што се стави крај крвопролевањата на Балканот.

Неговата внука е родена во Холандија, а дипломирала на училиште за графички дизајн во Сараево. Потоа го продолжила своето образование во Амстердам. Таа е сопственичка на агенцијата FabCat Creative која има милионски промет.