22 Септември, 2021
0.0348

ЌЕ ВОЗИМЕ ЛИ ГОДИНАВА ПО ПРВИТЕ КИЛОМЕТРИ ОД КИЧЕВО-ОХРИД - за најскапиот автопат власта не отстапува од ветениот рок

Објавено во: Економија 14 Мај, 2020

Годинава може да возиме по првите 20-тина километри, а целиот автопат Кичево-Охрид треба да биде пуштен во употреба како што беше и финалниот ветен рок, односно јуни идната година. 

Ова на барање на Фактор го тврдат од Јавнотпо претпријатие за државни патишта.

„И покрај последните состојби предизвикани од КОВИД-19 кои донесоа промена на глобално ниво, до овој момент нема измени за предвидениот термин за изградба“, велат од ЈПДП.

Во моментов, нагласуваат, се работи на ископ за изработка на мостови, ископ на патот и косините, пропусти, надпатници, подпатници, тунел, клучки, изработка на насип и друго. Исто така, се работи на тампонирање и асфалтирање на патот. Работите, според ЈПДП, се одвиваат со задоволителен капацитет, имајќи ја предвид состојбата со коронавирусот.

Колку стравот од коронавирусот и почитувањето на мерките за заштита ја забави изградбата и дали доколку не беа тие изградбата можеше да биде побрза.

Од Државни патишта нагласуваат дека изградбата на сите тековни инфраструктурни проекти за патишта продолжува и активностите на терен се изведуваат според динамичките планови за работа, при што изведувачите, надзорните инженери и инвеститорот ги следат и се однесуваат според препораките од надлежните институции. 

Сепак, поради работењето на администрацијата со намален капацитет, има и одредени забавувања.

„Работата на инфрастуктурните проекти не е запрена, се одвива во услови на прогласена вонредна состојба и во услови кога администрацијата работи со намален капацитет заради што може да се јават одредени забавувања во дел од административните процедури, но нема застој на работата на терен“, велат од ЈПДП.

Парите од новиот кредит од кинеската ЕКСИМ банка во износ од 179 милиони долари кои ги зеде власта, се нса располагање, но ќе се трошат дури откако ќе се искористат средствата од претходно земениот заем. 

„Договорот за дополнителен заем за изградба на автопат на делницата Кичево-Охрид во износ од 179 милиони долари со ЕКСИМ банка е потпишан во декември 2019 година. Овие средства ќе се користат откако во целост ќе биде искористен тековниот заем, па ќе се помине на трошење на средствата од новиот дополнителен заем заради полесно управување со средствата“, објаснуваат од ова јавно претпријатие со кое раководи Зоран Китанов.

Во интервју што пред неколку месеци го даде за Фактор, министерот зса транспорт и врски рече дека, според неговите очекувања, годинава би можел да се направи обид барем некои 15 до 20 километри од автопатот, односно делот од Охрид до Врбјани, се разбира оние што ќе бидат готови, да бидат пуштени во употреба. 

Дали со новиот развој на настаните поради коронакризата, има шанси тоа да се случи оваа година, и од ЈПДП се оптимисти.

„Би требало согласно со динамиката на завршување на работите парцијално да се пуштаат во сообраќај делниците кои ќе бидат завршени и целосно спремни за нормално одвивање на сообраќајот“, велат од ЈПДП.

До овој момент, од Годишната програма за патишта за 2020 на ЈПДП се реализирани 24 проценти, објаснуваат од ова јавно претпријатие.

Изградбата на овој автопат стартуваше во февруари 2014 година, а согласно договорот склучен од претходната Влада, требаше да чини 411 милиони евра. Но, со новиот дополнителен заем, тој ќе ја достигне вредноста од најмалку 600 милиони евра.

Нина Нинеска-Фиданоска

Можеби ќе ве интересира

КОЛКУ МАКЕДОНСКИ ФИРМИ СЕ ВО БАНКРОТ: Можно е допрва да се затвораат поради кризата

КОЛКУ МАКЕДОНСКИ ФИРМИ СЕ ВО БАНКРОТ: Можно е допрва да се затвораат поради кризата

МУ СЕ БЛИЖИ ЛИ КРАЈОТ НА ДОЛЖНИЧКОТО РОПСТВО - долговите ќе застаруваат по одреден рок, а и затезната камата нема да смее да биде повисока од главницата?

МУ СЕ БЛИЖИ ЛИ КРАЈОТ НА ДОЛЖНИЧКОТО РОПСТВО - долговите ќе застаруваат по одреден рок, а и затезната камата нема да смее да биде повисока од главницата?

Со законски измени до повеќе пари во општинските каси

Со законски измени до повеќе пари во општинските каси

Следниот месец ќе има голем скок на вредноста на биткоинот

Следниот месец ќе има голем скок на вредноста на биткоинот

Статистика објави дека просечната плата изнесува 28.540 денари

Статистика објави дека просечната плата изнесува 28.540 денари

ЦЕЛ ДЕН НА КОМИСИЈА НЕ МОЖЕ ДА ПОМИНЕ НЕДЕЛА НЕРАБОТЕН ДЕН - МТСП бара пратениците од опозицијата да не ја кочат расправата

ЦЕЛ ДЕН НА КОМИСИЈА НЕ МОЖЕ ДА ПОМИНЕ НЕДЕЛА НЕРАБОТЕН ДЕН - МТСП бара пратениците од опозицијата да не ја кочат расправата

НЕКОИ СНАБДУВАЧИ САКААТ ДА ИМ НАПЛАТАТ ПОСКАПА СТРУЈА НА ПОТРОШУВАЧИТЕ - Бислимовски најави црна листа

НЕКОИ СНАБДУВАЧИ САКААТ ДА ИМ НАПЛАТАТ ПОСКАПА СТРУЈА НА ПОТРОШУВАЧИТЕ - Бислимовски најави црна листа

Бугарите не доаѓаат во Делчево, локалната економија е во криза

Бугарите не доаѓаат во Делчево, локалната економија е во криза

УЛТРА МОДЕРНИ СТАНОВИ ПО ЦЕНИ ОД 1.250 ДО 1.350 ЕВРА ПО КВАДРАТ: East Gate Living гради 10 згради кај Скопски саем

УЛТРА МОДЕРНИ СТАНОВИ ПО ЦЕНИ ОД 1.250 ДО 1.350 ЕВРА ПО КВАДРАТ: East Gate Living гради 10 згради кај Скопски саем