Ќе се вратат ли Кумановци дома, исплашени од тензиите меѓу Иран и САД?
Објавено во: Македонија 13 Јануари, 2020
„Мој пријател, човек во години, си доаѓа за брзо и нема да оди назад во Ирак. Едноставно може да даде отказ по мејл, иако тоа ќе биде тежок чекор, затоа што со тоа ќе си ги скрати шансите за повторно заминување во Ирак во иднина. Се зборува дека има група на кумановци која ќе се врати од Ирак баш поради најновите случувања. Друга моја пријателка, сега е тука поради празниците, Нова година и Божиќ, но сепак ќе се врати назад на работа, затоа што не се плаши, и смета дека состојбата за брзо ќе се среди. Некои можеби не се свесни каква опасност има и што може да се случи“, вели нашата соговорничка од Куманово.
Голем дел од работниците на Блискиот исток е извесно дека ќе се вратат дома од Иран поради тензиите кои настанаа во последните недели како резултат на нападите на воените бази дојде откако претходно САД со дрон го убија иранскиот генерал Касим Сулејмани.